ແຈ້ງການ
  • Register
ວັນຈັນ, 23 ພຶດສະພາ 2016 00:00

ປັບປຸງການຈັດຕັ້ງພາຍໃນ ກວຕ Featured

ເພື່ອເປັນການປະຕິບັດໜ້າທີ່ຂອງ ພັກ-ລັດ ແລະ ເຮັດໃຫ້ພາລະກິດປ່ຽນແປງໃໝ່ຂອງພັກ ມີບາດກ້າວ ໜັກ

ແໜ້ນ, ເຂັ້ມແຂງເປັນກ້າວໆ ດັ່ງນັ້ນ ກະຊວງວິທະຍາສາດ ແລະ ເຕັກໂນໂລຊີ (ກວຕ) ຈຶ່ງໄດ້ຈັດພິທີມອບ-ຮັບ ໜ້າທີ່ ຜູ້ຮັກສາການຫົວໜ້າກົມມາກຕະຖານ ແລະ ວັດແທກ ຂຶ້ນໃນຕອນແລງຂອງວັນທີ 17 ພຶດສະພາ 2016 ຢູ່ ກົມມາດຕະຖານ ແລະ ວັດແທກ, ກວຕ ລະຫວ່າງ ທ່ານ ບຸນປອນ ບົວແພງ, ຜູ້ຮັກສາການຫົວໜ້າກົມມາກ ຕະຖານ ແລະ ວັດແທກ ຜູ້ເກົ່າ ໄດ້ຖືກຍົກຍ້າຍໄປເປັນຮັກສາການຫົວໜ້າ ກົມຈັດຕັ້ງພະນັກງານ ແລະ ປະກາດແຕ່ງຕັ້ງ ທ່ານ ວຽງທອງ ວົງທະວີໄລ, ເປັນຮັກສາການຫົວໜ້າກົມມາກຕະຖານ ແລະ ວັດແທກ ຜູ້ໃໝ່, ໂດຍໃຫ້ກຽດເຂົ້າຮ່ວມໃນພິທີມອບ-ຮັບໜ້າທີ່ດັ່ງກ່າວ ມີ ທ່ານ ບັນດິດ ສຈ. ບໍ່ວຽງຄໍາ ວົງດາລາ, ກຳມະ ການສູນກາງພັກ,ລັດຖະມົນຕີ ກວຕ, ມີບັນດາທ່ານຮອງລັດຖະມົນຕີ, ຫົວໜ້າ, ຮອງຫົວໜ້າ ຫ້ອງການ, ກົມ, ສະຖາບັນອ້ອມຂ້າງກະຊວງ, ພ້ອມດ້ວຍຫົວໜ້າພະແນກ, ຮອງພະແນກ ແລະ ພະນັກງານ ຂອງກົມດັ່ງກ່າວ ເຂົ້າຮ່ວມຢ່າງພ້ອມພຽງ.

 

ໃນໂອກາດດຽວກັນນີ້, ທ່ານ ບັນດິດ ສຈ. ບໍ່ວຽງຄໍາ ວົງດາລາ, ກຳມະການສູນກາງພັກ, ລັດຖະມົນຕີ ກວຕ ຍັງໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນ ງານຂອງກົມຍາດມາໄດ້ໃນໄລຍະຜ່ານມາ ແລະ ທ່ານກໍໄດ້ໂອ້ລົມຕໍ່ພິທີໃນຄັ້ງນີ້ ຊຶ່ງມີເນື້ອໃນບາງຕອນວ່າ: ກົມມາດຕະຖານ ແລະ ວັດແທກ ແມ່ນກົມໜຶ່ງ ທີ່ນັບມື້ນັບເຕີບໃຫຍ່ຂະຫຍາຍຕົວ ແລະ ໃນຕໍ່ໜ້າກໍຈະໄດ້ມີການປັບປຸງການຈັດຕັ້ງຂອງກົມຕື່ມອີກ ມີບາງທ່ານກໍຈະໄດ້ເປັນຫົວໜ້າພະແນກ, ຮອງຫົວໜ້າພະແນກ, ຮອງກົມ ແລະ ບາງທ່ານກໍຈະໄດ້ຂຶ້ນເປັນຫົວໜ້າກົມ. ນີ້ໄດ້ສະແດງວ່າກົມດັ່ງກ່າວໃນໄລຍະບໍ່ເທົ່າໃດປີ ກໍມີການເຕີບໃຫຍ່ຂະຫຍາຍຕົວ ການກໍ່ສ້າງພື້ນຖານໂຄງລ່າງ ກໍ່ມີການພັດທະນາ ແລະ ວຽກງານກໍ່ມີການຂະຫຍາຍຕົວ ຊຶ່ງເຫັນໄດ້ວ່າກົມດັ່ງກ່າວ ມີພາຫະນະສະເພາະສຳລັບກວດສອບນ້ຳມັນ, ມີການຮ່ວມມືກັບຫຼາຍໆ ບໍລິສັດ ຊຶ່ງຜົນງານກັ່ງກ່າວ ສະແດງໃຫ້ເຫັນວ່າວຽກງານຂະຫຍາຍການຄຸ້ມຄອງມາດຕະຖານ ແລະ ວັດແທກ ກໍໄດ້ຮັບການພັດທະນາ ແລະ ວຽກງານຂອງກົມກໍ່ໄດ້ມີ ການຂະຫຍາຍຕົວ ແລະ ບຸກຄະລາກອນຢູ່ພາຍໃນກົມກໍ່ໄດ້ຮັບການພັດທະນາ ແລະ ຂະຫຍາຍຕົວຢ່າງຕໍ່ເນື່ອງ, ນີ້ແມ່ນຜົນງານອັນພົ້ນເດັນຂອງກົມມາດຕະຖານ ແລະ ວັດແທກ ບໍ່ສະເພາະແຕ່ຢູ່ພາຍໃນກະຊວງເທົ່ານັ້ນ ຜົນງານດັ່ງກ່າວຍັງອອກສູ່ສາຍຕາຂອງສັງຄົມອີກດ້ວຍ.

ທ່ານກ່າວຕື່ມອີກວ່າ ເພື່ອຕອບສະໜອງຄວາມຮຽກນ້ອງຕ້ອງການຂອງສັງຄົມ ໃນການພັດທະນາເສດຖະກິດ, ການພັດທະນາສັງຄົມ ຍົກສູງຊີວິດການເປັນຢູ່ ແລະ ລົບລ້າງຄວມທຸກຍາກຂອງປະຊາຊົນ, ກົມມາດຕະຖານ ແລະ ວັດແທກຈະຕ້ອງໄດ້ເບິ່ງຄືນ ກ່ຽວກັບການປະຕິບັດໜ້າທີ່ໃນໄລຍະໃໝ່ ແລະ ເພື່ອຕອບສະ ໜອງຄວາມຮຽກຮ້ອງດັ່ງກ່າວ ພວກເຮົາຈະຕ້ອງໄດ້ພ້ອມກັນເຊື່ອມຊຶມມະຕິ ກອງປະຊຸມໃຫຍ່ ຄັ້ງທີ X ຂອງພັກ, ເຊື່ອມຊຶມແຜນພັດທະນາເສດຖະກິດ-ສັງຄົມ ເພື່ອເປັນບອນອີງ ໃນການຂະຫຍາຍເປັນແຜນວຽກງານມາດຕະຖານໃນໄລຍະ 5 ປີຕໍ່ໜ້າ.

 Credit: ບົດຂ່າວຈາກເວັບໄຊ ກະຊວງວິທະຍາສາດ ແລະ ເຕັກໂນໂລຊີ

 

 

Latest from