ແຈ້ງການ
  • Register
ວັນຈັນ, 23 ພຶດສະພາ 2016 00:00

ປັບປຸງການຈັດຕັ້ງພາຍໃນ ກວຕ

ເພື່ອເປັນການປະຕິບັດໜ້າທີ່ຂອງ ພັກ-ລັດ ແລະ ເຮັດໃຫ້ພາລະກິດປ່ຽນແປງໃໝ່ຂອງພັກ ມີບາດກ້າວ ໜັກ

ແໜ້ນ, ເຂັ້ມແຂງເປັນກ້າວໆ ດັ່ງນັ້ນ ກະຊວງວິທະຍາສາດ ແລະ ເຕັກໂນໂລຊີ (ກວຕ) ຈຶ່ງໄດ້ຈັດພິທີມອບ-ຮັບ ໜ້າທີ່ ຜູ້ຮັກສາການຫົວໜ້າກົມມາກຕະຖານ ແລະ ວັດແທກ ຂຶ້ນໃນຕອນແລງຂອງວັນທີ 17 ພຶດສະພາ 2016 ຢູ່ ກົມມາດຕະຖານ ແລະ ວັດແທກ, ກວຕ ລະຫວ່າງ ທ່ານ ບຸນປອນ ບົວແພງ, ຜູ້ຮັກສາການຫົວໜ້າກົມມາກ ຕະຖານ ແລະ ວັດແທກ ຜູ້ເກົ່າ ໄດ້ຖືກຍົກຍ້າຍໄປເປັນຮັກສາການຫົວໜ້າ ກົມຈັດຕັ້ງພະນັກງານ ແລະ ປະກາດແຕ່ງຕັ້ງ ທ່ານ ວຽງທອງ ວົງທະວີໄລ, ເປັນຮັກສາການຫົວໜ້າກົມມາກຕະຖານ ແລະ ວັດແທກ ຜູ້ໃໝ່, ໂດຍໃຫ້ກຽດເຂົ້າຮ່ວມໃນພິທີມອບ-ຮັບໜ້າທີ່ດັ່ງກ່າວ ມີ ທ່ານ ບັນດິດ ສຈ. ບໍ່ວຽງຄໍາ ວົງດາລາ, ກຳມະ ການສູນກາງພັກ,ລັດຖະມົນຕີ ກວຕ, ມີບັນດາທ່ານຮອງລັດຖະມົນຕີ, ຫົວໜ້າ, ຮອງຫົວໜ້າ ຫ້ອງການ, ກົມ, ສະຖາບັນອ້ອມຂ້າງກະຊວງ, ພ້ອມດ້ວຍຫົວໜ້າພະແນກ, ຮອງພະແນກ ແລະ ພະນັກງານ ຂອງກົມດັ່ງກ່າວ ເຂົ້າຮ່ວມຢ່າງພ້ອມພຽງ.

ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດພິທີ ປະກາດການແຕ່ງຕັ້ງຜູ້ຮັກສາການຫົວໜ້າ

ກົມຈັດຕັ້ງພະນັກງານ ແລະ ຜູ້ຮັກສາການຫົວໜ້າກົມມາດຕະຖານ ແລະ ວັດແທກ ຂຶ້ນໃນວັນທີ 4 ເມສາ 2016 ຢູ່ທີ່ ກວຕ, ໂດຍໃຫ້ກຽດເຂົ້າຮ່ວມຂອງ ທ່ານ ບັນດິດ ສຈ. ບໍ່ວຽງຄໍາ ວົງດາລາ, ກຳມະການສູນກາງ ພັກ, ລັດຖະ ມົນຕີ ກວຕ, ມີບັນດາທ່ານຮອງລັດຖະມົນຕີ, ຫົວໜ້າຫ້ອງການ, ກົມ, ສະຖາບັນອ້ອມຂ້າງ ກະຊວງ, ພ້ອມ ດ້ວຍພະນັກງານ ຈາກພາກສ່ວນທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.

ໃນພິທີຄັ້ງນີ້, ທ່ານ ສົມຈິດ ປະເສີດສັກ, ຮອງຫົວໜ້າກົມຈັດຕັ້ງ ແລະ ພະນັກງານ, ໄດ້ຂຶ້ນຜ່ານ ຂໍ້ຕົກລົງຂອງ ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ວ່າດ້ວຍ ການແຕ່ງຕັ້ງຜູ້ຮັກສາການ ຫົວໜ້າກົມມາດຕະຖານ ແລະ ວັດແທກ ສະບັບເລກທີ 0356/ກວຕ, ລົງວັນທີ 31 ມີນາ 2016 ແຕ່ງຕັ້ງ ທ່ານ ວຽງທອງ ວົງທະວິໄລ, ຮອງຫົວໜ້າກົມມາດຕະຖານ ແລະ ວັດແທກ ເປັນຜູ້ຮັກສາການ ຫົວໜ້າກົມມາດ ຕະຖານ ແລະ ວັດແທກ; ຂໍ້ຕົກລົງລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ວ່າດ້ວຍ ການຍົກຍ້າຍພະນັກງານ ສະບັບເລກທີ 0355/ກວຕ, ລົງວັນທີ 31 ມີນາ 2016 ຍົກຍ້າຍ ທ່ານ ບຸນປອນ ບົວແພງ, ຜູ້ຮັກສາການຫົວໜ້າກົມມາດຕະຖານ ແລະ ວັດແທກ ມາຮັກສາການຢູ່ກົມຈັດຕັ້ງ-ພະນັກງານ.

ໂອກາດດຽວກັນນີ້, ທ່ານ ບັນດິດ ສຈ. ບໍ່ວຽງຄໍາ ວົງດາລາ, ກຳມະການສູນກາງພັກ, ລັດຖະມົນຕີ ກວຕ ຍັງໄດ້ໃຫ້ກຽດໂອ້ລົມຕໍ່ພິທີວ່າ: ໂດຍທ່ານໄດ້ສະ ແດງຄວາມ ຍ້ອງຍໍຊົມເຊີຍຕໍ່ສອງສະຫາຍ ທີ່ໄດ້ຮັບຄວາມເຊື່ອໝັ້ນຈາກຄະນະພັກ ແລະ ຄະນະນຳກະຊວງ ທີ່ໃຫ້ຮັກສາການສອງຕຳແໜ່ງດັ່ງກ່າວ ແລະ ທັງສອງສະ ຫາຍລ້ວນແລ້ວແຕ່ເປັນ ຜູ້ທີ່ມີຄວາມຮູ້ຄວາມສາມາດ, ມີຄວາມຄິດອຸ່ນອ່ຽງທຸ່ນທ່ຽງຕໍ່ການປະຕິບັດໜ້າທີ່ວຽກງານ, ມີຄວາມຮັບຜິດຊອບສູງ, ເອົາໃຈໃສ່ຕໍ່ວຽກງານ ຈຸດສຸມ ຊຶ່ງໄດ້ສະແດງເຖິງຄວາມເຕີບໃຫຍ່ຂະຫຍາຍຕົວຂອງ ກວຕ.

ທ່ານລັດຖະມົນຕີ ກວຕ ຍັງໄດ້ເນັ້ນຕື່ມອີກວ່າ: ຄຽງຄູ່ກັບຄວາມອຸ່ນອ່ຽງທຸນທ່ຽງ ຕ້ອງໄດ້ມີການບຳລຸງກໍ່ສ້າງຕົນເອງ ຍົກລະດັບທາງດ້ານວິຊາສະເພາະ, ທາງດ້ານລະ ດັບພາສາຕ່າງປະເທດ, ທາງດ້ານແນວຄິດຄຸນສົມບັດໃຫ້ນັບມື້ນັບເກັ່ງຂຶ້ນ, ໃນຂະແໜງການວຽກງານວິທະຍາສາດ ແລະ ເຕັກໂນໂລຊີຕ້ອງສືບຕໍ່ຜັນຂະ ຫຍາຍມະຕິກອງປະຊຸມໃຫຍ່ຄັ້ງທີ 1 ຂອງອົງຄະນະພັກກະຊວງ, ຄົ້ນຄວ້າຜັນຂະຫຍາຍມະຕິເພື່ອ ໃຫ້ກາຍເປັນແຜນລະອຽດຂອງແຕ່ລະກົມ, ສະຖາບັນ ແລະ ອັນ ເປັນພື້ນຖານພວກເຮົາ ຕ້ອງໄດ້ຮ່ຳຮຽນເຊື່ອມຊຶມມະຕິກອງປະຊຸມໃຫຍ່ຂອງພັກ, ແຜນພັດທະນາເສດຖະກິດ-ສັງຄົມ 5 ປີຄັ້ງທີ 8 ປີ 2015-2020 ແລະ ວິໃສທັດ ປີ 2025-2030.

 

 

Credit: ບົດຂ່າວຈາກເວັບໄຊ ກະຊວງວິທະຍາສາດ ແລະ ເຕັກໂນໂລຊີ

ກົມມາດຕະຖານ ແລະ ວັດແທກ, ກະຊວງວິທະຍາສາດ ແລະ ເຕັກໂນໂລຊີ ໃນນາມເປັນອົງການມາດຕະຖານແຫ່ງຊາດ ໄດ້ສຳເລັດການປັບປຸງ ບັນຊີລາຍການມາດຕະຖານແຫ່ງຊາດຊື່ງມີທັງໝົດ 434  ລາຍການ ແລະ ຮັບຮອງຢ່າງເປັນທາງການ.

ໂດຍອິງຕາມກົດລະບຽບຂອງພັກ ປະຊາຊົນປະຕິວັດ ລາວ ສະໄໝທີ IX, ດຳລັດຂອງນາຍົກລັດຖະມົນຕີ ສະບັບເລກທີ 309/ນຍ, ລົງວັນທີ 28 ກັນຍາ 2011 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກະຊວງວິທະຍາສາດ ແລະ ເຕັກໂນໂລຊີ, ດຳລັດຂອງນາຍົກລັດຖະມົນຕີ ສະບັບເລກທີ 82/ນຍ, ລົງວັນທີ 19 ພຶດສະພາ 2003 ວ່າດ້ວຍລະ ບຽບລັດຖະກອນແຫ່ງ ສປປ ລາວ ແລະ ອິງຕາມການຕົກລົງຂອງກອງປະຊຸມຄະນະພັກ ກະຊວງວິທະຍາສາດ ແລະ ເຕັກໂນໂລຊີຄັ້ງວັນທີ 29 ມັງກອນ 2015.

ວັນທີ 30 ມັງກອນ 2015 ທີ່ກົມມາດຕະຖານ ແລະ ວັດແທກ, ກະຊວງວິທະຍາສາດ ແລະ ເຕັກໂນໂລຊີ (ກວຕ), ຄະນະພັກ ແລະ ຄະນະນໍາຂອງ ກວຕ ໄດ້ຈັດພິທີປະກາດແຕ່ງຕັ້ງຜູ້ຮັບຜິດຊອບໜ້າທີ່ໃໝ່ດັ່ງຕໍ່ໄປນີ້:

- ແຕ່ງຕັ້ງທ່ານ ບຸນປອນ ບົວແພງ, ຮອງຫົວໜ້າກົມມາດຕະຖານ ແລະ ວັດແທກ ເປັນຜູ້ຮັກສາການ ຫົວໜ້າກົມມາດຕະຖານ ແລະ ວັດແທກ, ກວຕ;