ຂ່າວສານ
  • Register
ວັນສຸກ, 03 ສິງຫາ 2018 00:00

ກອງປະຊຸມ ປະກອບຄຳຄິດເຫັນ ໃສ່ຮ່າງຂໍ້ຕົກລົງວ່າດ້ວຍການປົກປ້ອງຜູ້ຊົມໃຊ້ຜະລິດຕະພັນສິນຄ້າ ແລະ ການບໍລິການທາງດ້ານມາດຕະຖານ ແລະ ວັດແທກ

 

        ໃນຕອນເຊົ້າຂອງວັນທີ 2 ສິງຫາ 2018 ພະແນກຄົ້ນຄ້ວາ ແລະ ພັດທະນາ ກົມມາດຕະຖານ ແລະ ວັດແທກ ໄດ້ຈັດກອງປະຊຸມປຶກສາຫາລື, ແລກປ່ຽນປະກອບຄຳເຫັນໃສ່ຮ່າງຂໍ້ຕົກລົງວ່າດ້ວຍການປົກປ້ອງຜູ້ຊົມໃຊ້ຜະລິດຕະພັນສິນຄ້າ ແລະ ການບໍລິການທາງດ້ານມາດຕະຖານ ແລະ ວັດແທກຄັ້ງທີ 2 . ໂດຍການໃຫ້ກຽດເຂົ້າຮ່ວມເປັນປະທານ ແລະ ກ່າວເປີດກອງປະຊຸມຂອງທ່ານ ສຸກສະຫວາດ ສີຫາປັນຍາ ຮອງຫົວໜ້າກົມມາດຕະຖານ ແລະ ວັດແທກ ມີຜູ້ຕາງໜ້າຈາກຫ້ອງການ, ກົມ, ສະຖາບັນ, ພະແນກ ວິທະຍາສາດ ແລະ ເຕັກໂນໂລຊີ ນະຄອນຫຼວງ ແລະ ພະນັກງານວິຊາການອ້ອມຂ້າງກະຊວງວິທະຍາສາດ ແລະ ເຕັກໂນໂລຊີ ເຂົ້າຮ່ວມຈຳນວນທັງໝົດ  33   ທ່ານ

         ຈຸດປະສົງຂອງກອງປະຊຸມ ແມ່ນເພື່ອກຳນົດຫຼັກການ, ລະບຽບການ ແລະ ມາດຕະຖານ ໃນການຈັດຕັ້ງປະຕິບັດກ່ຽວກັບການຄຸ້ມຄອງ, ຕິດຕາມ, ກວດກາຄຸນນະພາບ, ຮ້ອງຮຽນ ແລະ ແກ້ໄຂຂໍ້ຂັດແຍ່ງ ທາງດ້ານຄຸນນະພາບ, ມາດຕະຖານ ແລະ ການວັດແທກ ເພື່ອປະກອບສ່ວນເຂົ້າໃນວຽກງານປົກປ້ອງຜູ້ຊົມໃຊ້, ບົນພື້ນຖານຄວາມຖືກຕ້ອງຕາມກົດໝາຍ, ມາດຕະຖານແຫ່ງຊາດ, ລະບຽບການເຕັກນິກ, ສອດຄ່ອງກັບລະບຽບການຂອງພາກພື້ນ ແລະ ສາກົນ. ແນໃສ່ ການປົກປ້ອງສິດ, ຜົນປະໂຫຍດອັນຊອບທຳຂອງຜູ້ຊົມໃຊ້ ຜະລິດຕະພັນສິນຄ້າ ແລະ ການບໍລິການຢູ່ ສປປ ລາວ.

 

ຮູບພາບ: ນຳ້ຝົນ ອ່ອນສີພັນລາ

ບົດຂ່າວ: ທ່ານ ພວງມາລາ ຈູມພະຈັນ