ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ຂ່າວສານ
  • Register
ວັນຈັນ, 30 ກໍລະກົດ 2018 00:00

ເລື່ອນສະມາຊິກພັກສຳຮອງ ຂຶ້ນເປັນສະມາຊິກ ພັກສົມບູນ

      ໜ່ວຍພັກກົມຈັດຕັ້ງ ແລະ ພະນັກງານ, ໜ່ວຍພັກ ກົມເຕັກໂນໂລຊີດິຈິຕ໋ອນ ແລະ ໜ່ວຍພັກກົມມາດ ຕະຖານ ແລະ ວັດແທກ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດພິທີເລື່ອນ ສະມາຊິກພັກສໍາຮອງຂຶ້ນ ເປັນສະມາຊິກພັກສົມບູນ ໃນຕອນເຊົ້າວັນທີ 17 ກໍລະກົດ 2018 ທີ່ຫ້ອງປະຊຸມ ກວຕ ໂດຍການໃຫ້ກຽດເປັນ ປະທານຂອງ ສະຫາຍ ບຸນຕີ ທະມິດ, ຮອງເລຂາຄະນະພັກ, ຮອງລັດຖະມົນຕີ ກວຕ.

     ໃນພິທີຄັ້ງນີ້, ສະບາຍ ບຸນປອນ ບົວແພງ, ເລຂາໜ່ວຍພັກ ກົມຈັດຕັ້ງ ແລະ ພະນັກງານ; ສະຫາຍ ແກ້ວນະຄອນ ໄຊສຸລຽນ, ເລຂາໜ່ວຍພັກ ກົມເຕັກໂນໂລຊີດິຈິຕ໋ອນ ແລະ ສະຫາຍ ວຽງທອງ ວົງທະວິໄລ, ເລຂາໜ່ວຍພັກ ກົມມາດຕະຖານ ແລະ ວັດແທກ ໄດ້ຂຶ້ນຜ່ານມະຕິຕົກລົງຂອງຄະນະພັກ ກວຕ ວ່າດ້ວຍການ ເຫັນດີອະນຸມັດ ເລື່ອນສະມາຊິກພັກສຳຮອງ ຂຶ້ນເປັນສະມາຊິກສົມບູນ ລວມທັງໝົດ ຈຳນວນ 15 ສະຫາຍ.

     ໜ່ວຍພັກກົມຈັດຕັ້ງ ແລະ ພະນັກງານ ມີສະມາຊິກພັກສໍາຮອງ ເລື່ອນຂຶ້ນເປັນສະມາຊິກສົມບູນຈຳນວນ 2 ສະຫາຍ, ຍິງ 2 ສະຫາຍ; ໜ່ວຍພັກກົມເຕັກໂນໂລຊີດິຈິຕ໋ອນ ມີສະມາຊິກພັກສໍາຮອງເລື່ອນຂຶ້ນ ເປັນສະມາຊິກສົມບູນ ຈຳນວນ 4 ສະຫາຍ, ຍິງ 3 ສະຫາຍ ແລະ ໜ່ວຍພັກກົມມາດຕະຖານ ແລະ ວັດແທກ ມີສະມາຊີກພັກສໍາຮອງ ເລື່ອນຂຶ້ນເປັນສະມາ ຊິກພັກສົມບູນຈຳນວນ 9 ສະຫາຍ, ຍິງ 2 ສະຫາຍ.

     ພາຍຫຼັງສຳເລັດພິທີເລື່ອນ ສະມາຊິກພັກສຳຮອງຂຶ້ນເປັນສະມາຊິກພັກສົມບູນ ກໍສືບຕໍ່ຮັບເອົາມະຫາຊົນກ້າວໜ້າເຂົ້າເປັນ ສຳມະຊິກພັກສຳຮອງ ຈຳນວນ 4 ສະຫາຍຊຶ່ງໃນຈໍານວນນີ້, ໜ່ວຍພັກ ກົມແຜນການ ແລະ ຮ່ວມມື ຈຳນວນ 2 ສະຫາຍ, ຍິງ 1 ສະຫາຍ ແລະ ໜ່ວຍພັກ ກົມມາດຕະຖານ ແລະ ວັດແທກ ຈຳນວນ 2 ສະຫາຍ, ຍິງ 1 ສະຫາຍ.

    ໂອກາດນີ້, ສະຫາຍ ຮອງເລຂາຄະນະພັກ ກວຕ ໄດ້ໃຫ້ກຽດໂອ້ລົມ ແລະ ໃຫ້ຄຳໂອວາດ ຊຶ່ງສະຫາຍໄດ້ສະແດງຄວາມຊົມເຊີຍ ສະມາຊິກໃຫມ່ແລະ ສະແດງ ຄວາມຍິນດີຮັບເອົາສະມາ ຊິກພັກສົມບູນ ແລະ ສຳມະຊິກພັກສໍາຮອງຂອງພັກປະຊາຊົນປະຕິວັດລາວທັງໝົດ 19 ສະຫາຍ. ສະຫາຍ ເລຂາ ກ່າວວ່າ: ເຫດການມື້ນີ້ ມີຄວາມສຳຄັນ ແລະ ເປັນກຽດສຳລັບການເປັນພະນັກງານ-ລັດຖະກອນຂອງລັດ.

     ສະຫາຍຮອງເລຂາ ຄະນະພັກ ຍັງໄດ້ໃຫ້ຄຳເຫັນຕໍ່ສະມາຊິກພັກທັງເກົ່າ ແລະ ໃໝ່ວ່າ: ຈົ່ງເພີ່ມທະວີຄວາມຮັບຜິດຊອບຕໍ່ໜ້າວຽກຂອງຕົນ, ມີສະຕິຕໍ່ການ ຈັດຕັ້ງສູງ, ຢຶດໝັ້ນ ແລະ ເປັນເອກະ ພາບຕໍ່ແນວທາງນະໂຍບາຍຂອງພັກ-ລັດ, ປະກອບສ່ວນຄວາມຮູ້ ແລະ ຄວາມສາມາດຂອງຕົນ ເຂົ້າໃນວຽກງານທີ່ການຈັດຕັ້ງ ມອບໝາຍໃຫ້, ປະກອບສ່ວນເຂົ້າໃນການສ້າງສາ ແລະ ພັດທະນາປະເທດຊາດ.

     ສະຫາຍ ໄດ້ຍົກໃຫ້ເຫັນປະຫວັດຄວາມເປັນມາຂອງການຕໍ່ສູ້ຂອງປະຊາຊົນລາວ ໃນສັດຕະວັດທີ 14. ປະຊາຊົນລາວ ມີມູນເຊື້ອການຕໍ່ສູ້ຕ້ານພວກຕ່າງດ້າວ ຢ່າງພິລະອາດຫານ ແລະ ບໍ່ຍອມຈໍານົນ. ຢ່າງໃດກໍຕາມ, ການຕໍ່ສູ້ດັ່ງກ່າວ ບໍ່ໄດ້ຮັບໄຊຊະນະ ຍ້ອນ ບໍ່ມີພັກນຳພາ, ການຕໍ່ສູ້ ກໍປະລາໄຊ.

     ແຕ່ພາຍໃຕ້ການນໍາພາຂອງພັກປະຊາຊົນປະຕິວັດລາວ ຊຶ່ງນໍາໃຊ້ທິດສະດີ ມາກ-ເລນິນ ເປັນຄັນທຸງ, ປະກອບດ້ວຍບຸກຄົນທີມີການຊີ້ນໍາ-ນໍາພາຢ່າງເດັດຂາດ ແລະ ສະຫຼາດຫຼັກແຫຼມ, ການຕໍ່ສູ້ຈຶ່ງໄດ້ຮັບໄຊຊະນະ.

     ສະຫາຍ ຮອງເລຂາຄະນະພັກ ກ່າວວ່າ ສະມາຊິກພັກ ຕ້ອງປະຕິບັດດັ່ງນີ້: - ກໍາໄດ້ແນວທາງການເມືອງຂອງພັກ-ລັດຢ່າງເປັນລະບົບ, ເຂົ້າຮ່ວມການຝຶກອົບ ຮົມແນວທາງການເມືອງຂອງພັກເປັນແຕ່ລະໄລຍະຢ່າງຕໍ່ເນື່ອງ, - ມີມານະຈິດເຂັ້ມແຂງ, ຕັດສິນໃຈສູງ, ເຊື່ອໝັ້ນຕົນເອງ, ເຕົ້າໂຮມມະຫາຊົນ, ມີຈິດໃຈກວ້າງຂວາງ ແລະ ເສຍສະຫຼະ, - ດຸໝັ່ນຊອກຮູ້ຮໍ່າຮຽນທັງທິດສະດີການເມືອງ ແລະ ຄວາມຮູ້ທາງດ້ານວິຊາສະເພາະ, ອົດທົນ, ບໍ່ສວຍໃຊ້ຖານະຕໍແໜ່ງເຮັດໃນທາງທີ່ບໍ່ຖືກຕ້ອງ, - ຜ່ານຜ່າການທົດສອບຕ່າງໆ, - ຕ້ອງເຄື່ອນໄຫວຢູ່ໃນການຈັດຕັ້ງ, ຂະຫຍາຍສະຕິປັນຍາຂອງຕົນຢ່າງເຕັມສ່ວນ ເພື່ອແລກປ່ຽນບົດຮຽນຮ່ວມກັນ. ການເຂົ້າຮ່ວມຢູ່ໃນ ການຈັດຕັ້ງ ຈະກາຍເປັນກໍາລັງແຮງ. ຖ້າບຸກຄົນເຂັ້ມແຂງ, ການຈັດຕັ້ງ ກໍຈະເຂັ້ມແຂງ, ເພີ່ມກໍາລັງແຮງໃຫ້ແກ່ການຈັດຕັ້ງ ແລະ ເພີ່ມສະຕິປັນຍາໃຫ້ແກ່ຕົນເອງ, - ເອົາໃຈ ໃສ່ຍົກລະດັບຄວາມຮູ້ ແລະ ຄວາມສາມາດຂອງຕົນເອງຢ່າງຕໍ່ເນື່ອງ ເພື່ອປະກອບສ່ວນເຂົ້າໃນການພັດທະນາ ແລະ ສ້າງສາປະເທດຊາດຂອງຕົນ.

    ເຫດການສຳຄັນມື້ນີ້ ຖືວ່າ ຄະນະພັກ ກວຕ ມີການເຄື່ອນໄຫວ ແລະ ເໜັງຕິງຢາງຕໍ່ເນື່ອງ ເພື່ອສ້າງຕົນເອງ ທາງດ້ານປະລິມານ ແລະ ຄຸນນະພາບ.

ເຂົ້າຮ່ວມພິທີຄັ້ງນີ້ ມີບັນດາເລຂາ, ຮອງເລຂາໜ່ວຍພັກຂອງຫ້ອງການ, ກົມ, ສະຖາບັນອ້ອມ ຂ້າງກະຊວງ ແລະ ສະມາຊິກພັກຈາກ ສາມກົມດັ່ງກ່າວ.

 

ບົດຂ່າວ: ບາລະຄອນ ສຸວັນນະພາສີ

ຮູບພາບ: ພຸດທະຈັນ ຊັບທະວີ