ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ຂ່າວສານ
  • Register
ວັນພຸດ, 21 ມີນາ 2018 00:00

ພິທີເຊັນບົດບັນທຶກຄວາມເຂົ້າໃຈ ວ່າດ້ວຍການ ຮ່ວມມືສ້າງສູນວັດແທກ Featured

       ພິທີເຊັນບົດບັນທຶກຄວາມເຂົ້າໃຈ ວ່າດ້ວຍການຮ່ວມ ມືສ້າງສູນວັກແທກ ລະຫວ່າງ ກົມມາດຕະຖານ ແລະ ວັດແທກ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ແລະ ບໍລິສັດ ພັດທະນາເຕັກໂນໂລຊີລາວ ຈຳກັດ, ສະຖາບັນທົດລອງການກວດສອບ ແລະ ວັດແທກ ເມືອງເສິນຕູ່, ແຂວງ ເສສວນ, ສປ ຈີນ ໄດ້ຈັດຂຶ້ນໃນຕອນ ແລງຂອງວັນທີ 16 ມີນາ 2018 ທີ່ໂຮງແຮມ ດອນຈັນ ພາເລດ, ນະຄອນຫຼວງວຽງຈັນ.

         ບົດບັນທຶກຄວາມເຂົ້າໃຈດັ່ງກ່າວ ໄດ້ລະບຸວ່າ: ທັງສອງຝ່າຍ ຈະໄດ້ຮ່ວມມືກັນພັດທະນາລະບົບກວດ ສອບ, ກວດທຽບ, ສ້າງຫ້ອງທົດລອງ ແລະ ໂຄງລ່າງພື້ນຖານດ້ານເຕັກນິກ ທີ່ຕິດພັນກັບວຽກວັດແທກ ໃຫ້ເຂົ້າ ກັບມາດຕະຖານຢູ່ໃນພາກພື້ນ ແລະ ສາກົນ; ພັດທະນາບຸກຄະລາກອນ (ໄລຍະສັ້ນ-ໄລຍະຍາວ), ຈັດຫາອຸປະ ກອນ, ເຄື່ອງມື ແລະ ເຄື່ອງຈັກເຂົ້າມາເສີມໃນຂອດການບໍລິການ ໃຫ້ສາມາດຮອງຮັບກັບການພັດທະນາເສດຖະ ກິດ; ຮ່ວມກັນຂົນຂວຍແຫຼ່ງທຶນ, ການອອກແບບ, ການວິເຄາະທາງດ້ານເຕັກນິກເພື່ອສ້າງສູນວັດແທກ; ສຶກສາສະ ພາບແວດລ້ອມ ແລະ ກ້າວໄປສູ່ການເຊັນສັນຍາຮ່ວມ ມື ບໍລິຫານລະບົບບໍລິການການກວດສອບ, ການກວດ ທຽບການທົດສອບ ແລະ ອື່ນໆຕາມມາດຕະຖານແຫ່ງຊາດ, ພາກພື້ນ ແລະ ສາກົນ ຢູ່ໃນຂອບເຂດທົ່ວປະເທດ.

       ຜູ້ລົງນາມໃນບົດບັນທຶກຄັ້ງນີ້, ຕາງໜ້າ ກວຕ ແມ່ນ ທ່ານ ກະດິງທອງ ສິງດາສາ, ຫົວໜ້າສູນວັດແທກ, ກົມມາດຕະຖານ ແລະ ວັດແທກ, ກວຕ; ທ່ານ ວຽງທອງ ວົງທະວິໄລ, ຮັກສາການຫົວໜ້າ ກົມມາດຕະຖານ ແລະ ວັດແທກ, ກວຕ ແລະ ຕາງໜ້າ ບໍລິສັດ ໂດຍແມ່ນ ທ່ານ ນ. ອຳນວຍ ຫຼວງຫຼາດ, ປະທານ ບໍລິສັດ ພັດທະນາເຕັກໂນໂລຊີລາວ ຈຳກັດ ແລະ ທ່ານ ນ. ເສິນ ແຢັນ ຫຼິງ, ຮອງຫົວໜ້າ ສະຖາບັນການທົດລອງການກວດສອບ ແລະ ວັດແທກ, ເມືອງເສິນຕູ່, ແຂວງ ເສສວນ, ສປ ຈີນ.

ພິທີລົງນາມດັ່ງກ່າວ ໄດ້ຮັບກຽດການເຂົ້າຮ່ວມຂອງ ທ່ານ ບັນດິດ ສຈ. ບໍ່ວຽງຄໍາ ວົງດາລາ, ລັດຖະມົນຕີ ກວຕ, ບັນດາ ທ່ານຮອງລັດຖະມົນຕີ ກວຕ, ບັນດາທ່ານຫົວໜ້າຫ້ອງການ, ກົມ, ສະຖາບັນ, ແຂກຮັບເຊີນ, ບັນດາຄະນະຜູ້ບໍລິຫານ ບໍລິສັດ ແລະ ພະນັກງານວິຊາການທີ່ກ່ຽວຂ້ອງ.

 

 

 

 

       

 

 

ບົດຂ່າວ: ບາລະຄອນ ສຸວັນນະພາສີ

ຮູບພາບ: ບຸນທັນ ນັນທະວົງ