ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ຂ່າວສານ
  • Register
ວັນສຸກ, 16 ກຸມພາ 2018 00:00

ກອງປະຊຸມປຶກສາຫາລື ແລະ ປະກອບຄຳເຫັນໃສ່ຮ່າງຂໍ້ຕົກລົງ ວ່າດ້ວຍການຄຸ້ມຄອງ ກວດກາ ແລະ ນຳໃຊ້ກົດລະຫັດສາກົນ Featured

     ໃນຕອນເຊົ້າຂອງວັນທີ 16 ກຸມພາ 2018 ກົມມາດຕະຖານ ແລະ ວັດແທກ, ໄດ້ຈັດກອງປະຊຸມປຶກສາຫາລື ແລະ ປະກອບຄຳເຫັນໃສ່ຮ່າງຂໍ້ຕົກລົງ ວ່າດ້ວຍການຄຸ້ມຄອງ, ກວດກາ ແລະ ນຳໃຊ້ກົດລະຫັດສາກົນຂຶ້ນ ທີ່ ສູນຝຶກອົບຮົມພະນັກງານຄຸ້ມຄອງວິທະຍາສາດ ແລະ ເຕັກໂນໂລຊີ, ໃຫ້ກຽດເຂົ້າຮ່ວມເປັນປະທານ ແລະ ກ່າວເປີດກອງປະຊຸມໂດຍ ທ່ານ ນ. ນິສິດ ຄຳມູນເຮືອງ ຮອງຫົວໜ້າກົມມາດຕະຖານ ແລະ ວັດແທກ, ແລະ ມີບັນດາຜູ້ຕາງໜ້າຈາກບັນດາພາກສ່ວນຫ້ອງການ, ກົມ, ສະຖາບັນ, ພ້ອມດ້ວຍພະນັກງານວິຊາການອ້ອມຂ້າງກະຊວງວິທະຍາສາດ ແລະ ເຕັກໂນໂລຊີ ເຂົ້າຮ່ວມທັງໝົດ ຈຳນວນ 45 ທ່ານ, ຈຸດປະສົງ ແມ່ນເພື່ອກຳນົດຫຼັກການ, ລະບຽບການ ແລະ ມາດຕະຖານກ່ຽວກັບການຄຸ້ມຄອງ, ກວດກາ ນຳໃຊ້ລະບົບກົດລະຫັດສາກົນ ຢູ່ໃນ ສປປ ລາວ ບົນພື້ນຖານຄວາມຖືກຕ້ອງຕາມລະບຽບຫຼັກການຂອງບັນດາປະເທດສະມາຊິກກົດລະຫັດສາກົນທັງພາກພື້ນ ແລະ ສາກົນ. ແນ່ໃສ່ເພື່ອຊຸກຍູ້ສົ່ງເສີມການຜະລິດ ແລະ ການບໍລິຫານທີ່ມີຄຸນນະພາບຄວາມຖືກຕ້ອງ, ຄວາມເປັນຈິງ ແລະ ເປັນການປະກອບສ່ວນ ເຂົ້າໃນການພັດທະນາເສດຖະກິດສັງຄົມແຫ່ງຊາດ, ກອງປະຊຸມຈະໃດ້ພ້ອມກັນປະກອບຄໍາຄິດ, ຄໍາເຫັນ ໃສ່ຮ່າງຂໍ້ຕົກລົງດັ່ງກ່າວໃຫ້ມີເນື້ອໃນຄົບຖ້ວນ ແລະ ສົມບູນ, ເພື່ອເປັນເຄື່ອງມືໃນການຈັດຕັ້ງປະຕິບັດວຽກງານກົດລະຫັດສາກົນໃນຂອບເຂດທົ່ວປະເທດ.

ກອງປະຊຸມດັ່ງກ່າວຈະໃດ້ດຳເນີນໄປເປັນເວລາ 1 ວັນ ຈຶ່ງຈະສຳເລັດ.

 

    

    

 ພາບ ແລະ ຂ່າວ: ສູນຂໍ້ມູນຂ່າວສານ