ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ຂ່າວສານ
  • Register
ວັນພະຫັດ, 02 ພຶດສະພາ 2019 00:00

ປະກອບຄຳເຫັນໃສ່ຮ່າງຂໍ້ຕົກລົງວ່າດ້ວຍການກວດກາຄຸນະພາບວິສະວະກຳກໍ່ສ້າງຢູ່ ສປປ ລາວ ຄັ້ງທີ 2 (ຂັ້ນກະຊວງ)

          ໃນຕອນເຊົ້າຂອງວັນທີ 26 ເມສາ 2019 ພະແນກຄົ້ນຄ້ວາ ແລະ ພັດທະນາ, ກົມມາດຕະຖານ ແລະ ວັດແທກ ກວຕ ໄດ້ມີການຈັດກອງປະຊຸມ ພາຍໃຕ້ການເປັນປະທານຂອງ ທ່ານ ວຽງທອງ ວົງທະວິໄລ ຫົວໜ້າ ກົມມາດຕະຖານ ແລະ ວັດແທກ, ມີ ບັນດາ ກົມ, ຫ້ອງການ, ສະຖາບັນ ພາຍໃນ ກວຕ, ພະແນກ ວຕ ນວ ແລະ ພະນັກງານພາຍໃນ ກມວ ເຂົ້າຮ່ວມຢ່າງພ້ອມພຽງ ເພື່ອປຶກສາຫາລື ປະກອບຄຳເຫັນໃສ່ຮ່າງຂໍ້ຕົກລົງວ່າດ້ວຍການກວດກາຄຸນະພາບວິສະວະກຳກໍ່ສ້າງ ຢູ່ ສປປ ລາວ ເຊີ່ງຈັດຂື້ນເປັນຄັ້ງທີ 2 ພາຍໃນກະຊວງ. ທີ່ຫ້ອງປະຊຸມ ສະຖາບັນຄຸ້ມຄອງວິທະຍາສາດ ແລະ ເຕັກໂນໂລຊີ ຫຼັກ 14 ມີຜູ້ເຂົ້າຮ່ວມທັງໝົດ 45 ທ່ານ.

        

  ໂອກາດດັ່ງກ່າວ ທ່ານ ປະທານກອງປະຊຸມໄດ້ກ່າວຈຸດປະສົງຂອງກອງປະຊຸມຄັ້ງນີ້ວ່າ: ວຽກງານການກວດກາຄຸນນະພາບວິສະວະກໍາກໍ່ສ້າງ  ແມ່ນວຽກງານໜຶ່ງທີ່ສໍາຄັນ ແລະ ຈໍາເປັນອັນຮີບດ່ວນ ຮຽກຮ້ອງໃຫ້ ພວກເຮົາຕ້ອງໄດ້ເລັ່ງໃນການຈັດຕັ້ງປະຕິບັດ ເພື່ອດໍາເນີນ ການກວດສອບ, ທົດສອບ ວັດສະດຸ, ໂຄງສ້າງ, ອົງປະກອບທີ່ກ່ຽວຂ້ອງ ແລະ ສະພາບແວດລ້ອມທີ່ເປັນພື້ນຖານຂອງການກໍ່ສ້າງ ໂດຍນໍາໃຊ້ຜົນຂອງການວັດແທກຈາກເຄື່ອງມື ແລະ ອຸປະກອນການວັດແທກ ເປັນສິ່ງສົມທຽບກັບມາດຕະຖານອັນເປັນທີ່ຍອມຮັບຈາກ ສາກົນ ເປັນຫຼັກຖານທີ່ຢັ້ງຢືນທາງດ້ານວິທະຍາສາດ ເຖິງຄຸນນະພາບຂອງສິ່ງກໍ່ສ້າງ. ຄຸນນະພາບຂອງສິ່ງກໍ່ສ້າງຈະຕ້ອງໄດ້ເອົາໃຈໃສ່ໃນການຕິດຕາມໃນແຕ່ລະຂັ້ນຕອນ ເຊິ່ງເລີ່ມແຕ່ການກະກຽມດໍາເນີນງານຂັ້ນຕົ້ນ ຈົນເຖິງ ສໍາເລັດກິດຈະການ ຈຶ່ງຈະເຮັດໃຫ້ສິ່ງກໍ່ສ້າງ ມີຄຸນນະພາບດີ ສາມາດຮັບໃຊ້ໃຫ້ແກ່ການພັດທະນາ ເສດຖະກິດ-ສັງຄົມຂອງຊາດ ໄດ້ຮັບຜົນປະໂຫຍດສູງສຸດ.  ຊຶ່ງ ຮ່າງຂໍ້ຕົກລົງສະບັບນີ້ ປະກອບມີ: 8 ໝວດ, ລວມມີ 28 ມາດຕາ.

          ຫຼັງຈາກນັ້ນ ທ່ານ ໄດ້ສະເໜີໃຫ້ທີ່ປະຊຸມມີການ ພິຈາລະນາ, ປຶກສາຫາລື ແລະ ແລກປ່ຽນຄໍາຄິດເຫັນ ເພື່ອປະກອບໃສ່ຂໍ້ຕົກລົງດັ່ງກ່າວໃຫ້ມີເນື້ອໃນຄົບຖ້ວນສົມບູນບົນພື້ນຖານລະບຽບຫຼັກການ, ກົດໝາຍ ຂອງ ສປປ ລາວ  ເຊີ່ງກໍ່ໄດ້ຮັບການປະກອບຄຳເຫັນຢ່າງກົງໄປກົງມາ, ມີການບັນທຶກປັບປຸງເນື້ອໃນຕ່າງໆຕາມການສະເໜີຂອງແຕ່ລະພາກສ່ວນ. ກອງປະຊຸມດັ່ງກ່າວໄດ້ດຳເນີນໄປເປັນເວລາເຄີ່ງມື້.

ພາບ ແລະ ບົດຂ່າວ: ທ ພຸດທະຈັນ ຊັບທະວີ