ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ຂ່າວສານ
  • Register
ວັນອັງຄານ, 09 ເມສາ 2019 00:00

ກອງປະຊຸມໃຫຍ່ຄັ້ງທີ II ຂອງ ໜ່ວຍກຳມະບານຮາກຖານ ກົມມາດຕະຖານ ແລະ ວັດແທກ

         ເວລາ 15:00 ໂມງ ຂອງວັນທີ 4 ເມສາ 2019 ໄດ້ຈັດກອງປະຊຸມໃຫຍ່ຄັ້ງທີ່ II ຂອງ ໜ່ວຍກຳມະບານຮາກຖານກົມມາດຕະຖານ ແລະ ວັດແທກ(ກມວ), ກະຊວງວິທະຍາສາດ ແລະ ເຕັກໂນໂລຊີ(ກວຕ) ຂື້້ນທີ່ຫ້ອງປະຊຸມໃຫຍ່ ສະຖາບັນຄຸ້ມຄອງ ວິທະຍາສາດ ແລະ ເຕັກໂນໂລຊີ ກວຕ ໂດຍການເປັນປະທານຂອງ ສະຫາຍ ປອ ນາງ ແກ້ວວີວອນ ອຸດທະຈັກ ປະທານສະຫະພັນກຳມະບານ ກວຕ, ສະຫາຍ ວຽງທອງ ວົງທະວິໄລ ເລຂາໜ່ວຍພັກ ກມວ, ທັງເປັນຫົວໜ້າ ໜ່ວຍກຳມະບານຮາກຖານ ກມວ, ສະຫາຍ ສຸກສະຫວາດ ສີຫາປັນຍາ ຮອງຫົວໜ້າໜ່ວຍກຳມະບານ ກມວ,ສະຫາຍ ເລຂາໜ່ວຍຊາວໜຸ່ມ ກມວ, ສະຫາຍ ຫົວໜ້າໜ່ວຍສະຫະພັນແມ່ຍິງ ກມວ ແລະ ມີແຂກເຂົ້າຮ່ວມຕາງໜ້າ ໜ່ວຍກຳມະບານຈາກ ກົມ, ຫ້ອງການ ແລະ ສະຖາບັນ ພາຍໃນ ກວຕ ພ້ອມທັງສະມາຊິກກຳມະບານຂອງ ກມວ ເຂົ້າຮ່ວມ ຈຳນວນ 80 ສະຫາຍ, ເປັນຍິງ 31 ສະຫາຍ.

        ຊື່ງ ສະຫາຍ ສຸກສະຫວາດ ສີຫາປັນຍາ ຮອງຫົວໜ້າໜ່ວຍກຳມະບານ ກມວ ໄດ້ຂື້ນຜ່ານບົດ ສະຫຼຸບການເຄື່ອນໄຫວວຽກງານ ຂອງໜ່ວຍກຳມະບານຮາກຖານ ກມວ ແລະ ແຜນທິດທາງຕໍ່ໜ້າ.

         ຫຼັງຈາກນັ້ນ ສະຫາຍ ວຽງຄຳ ສິງສອນໄຊ ຄະນະໜ່ວຍກຳມະບານຮາກຖານ ກມວ ໄດ້ຜ່ານບົດສຳຫຼວດການຊີ້ນຳ ນຳພາຂອງຄະນະໜ່ວຍກຳມະບານຮາກຖານ ກມວ ວ່າ: ນັບແຕ່ໄດ້ຮັບການແຕ່ງຕັ້ງຂອງກອງປະຊຸມໃຫຍ່ຄັ້ງທີ I ຄະນະໜ່ວຍກໍາມະບານຮາກຖານກົມມາດຕະຖານ ແລະ ວັດ ແທກ ກໍ່ໄດ້ເອົາໃຈໃສ່ຜັນຂະຫຍາຍມະຕິກອງປະຊຸມໃຫຍ່ຄັ້ງທີ I ຂອງສະຫະພັນກຳມະບານລາວ ກໍ່ຄືທິດທາງແຜນການລວມ ຂອງສະຫະພັນກຳມະບານ ກະຊວງວິທະຍາສາດ ແລະ ເຕັກໂນໂລຊີ ໂດຍຕິດພັນກັບທຸກຂະບວນການເຄື່ອນໄຫວຂອງໜ່ວຍກຳມະບານຮາກຖານ ໃຫ້ສາມາດຈັດຕັ້ງປະຕິບັດວຽກງານກຳມະບານໃຫ້ມີປະສິດທິພາບຕາມແຜນການເຄື່ອນໄຫວວຽກງານຂອງກົມ, ໄດ້ເອົາໃຈໃສ່ຊຸກຍູ້ການສ້າງຂະບວນການເຄື່ອນໄຫວວຽກງານຂອງຕົນກໍ່ຄືວຽກງານວິຊາສະເພາະ ແລະ ຄົ້ນຄວ້າພັດທະນາຄວາມຮູ້ຄວາມສາມາດໃຫ້ແກ່ສະມາຊິກພາຍໃນໜ່ວຍ ໂດຍຖືເອົາຂໍ້ແຂ່ງຂັນ 5 ເປັນເຈົ້າ ຂອງສະຫະພັນກໍາມະບານລາວ ເປັນພື້ນຖານໃນການເຄື່ອນໄຫວຈັດຕັ້ງປະຕິບັດວຽກງານກຳມະບານຂອງກົມ ແລະ ອື່ນໆ

         ກອງປະຊຸມໃນຄັ້ງນີ້ ຍັງໄດ້ມີການປ່ອນບັດເລືອກຕັ້ງເອົາຄະນະ ກຳມະບານ ຊຸດໃໝ່ ມີຜູ້ສະໝັກ 7 ສະຫາຍ ຊື່ງຄັດເລືອກເອົາ 5 ສະຫາຍ ຫຼັງຈາກນັ້ນໄດ້ມີການແຕ່ງຕັ້ງຈາກກອງປະຊຸມປະຖົມມະລຶກ ຄື: ສະຫາຍ ພວງມາລາ ຈູມພະຈັນ ເປັນຫົວໜ້າໜ່ວຍ, ສະຫາຍ ບຸນໂຮມ ພານຸວົງ ເປັນຮອງ ຮັບຜິດຊອບວຽກກວດກາ, ສະຫາຍ ນາງ ທັດສະພອນ ຄຳພູວັນ ເປັນຄະນະ, ສະຫາຍ ພອນຈິດ ບຸນມີໄຊ ເປັນຄະນະ ແລະ ສະຫາຍ ສູນທອນ ຈັນທະເດດ ເປັນຄະນະ.

    ໃນໂອກາດດັ່ງກ່າວ ສະຫາຍ ປອ ນາງ ແກ້ວວີວອນ ອຸດທະຈັກ ປະທານ ສະຫະພັນກຳມະບານ ກວຕ ໄດ້ມີການໂອ້ລົມຕໍ່ກອງປະຊຸມ ໂດຍທ່ານ ໄດ້ສະແດງຄວາມຍ້ອງຍໍຊົມເຊີຍຕໍ່ຄະນະສະຫະພັນກຳມະບານຊຸດເກົ່າທີ່ມີຜົນງານໃນຫຼາຍດ້ານເຊັ່ນວຽກການເມືອງແນວຄິດ, ວຽກງານຂະບວນການຕ່າງໆທີ່ຜ່ານມາໃນການນຳພາ ທັງການປະຕິບັດໜ້າທີ່ຢ່າງຫ້າວຫັນຂອງຄະນະຊຸດເກົ່າ ແລະ ໄດ້ສະແດງຄວາມຍ້ອງຍໍຊົມເຊີຍຕໍ່ຄະນະຊຸດໃໝ່ທີ່ໄດ້ຮັບຄວາມໄວ້ເນື້ອເຊື່ອໃຈຄັດເລືອກຈາກບັນດາສະມາຊິກ ກຳມະບານ ຂອງຕົນ ແລະ ມີຄຳເຫັນຕໍ່ບົດລາຍງານການເມືອງຂອງໜ່ວຍກຳມະບານຮາກຖານກົມຕໍ່ກອງປະຊຸມໃຫຍ່ຄັ້ງນີ້ ເຊີ່ງໄດ້ຍົກໃຫ້ເຫັນຜົນງານທີ່ພົ້ນເດັ່ນດ້ານຕ່າງໆ ໃນການເຄື່ອນໄຫວປະຕິບັດວຽກງານທີ່ມີຄວາມລະອຽດຈະແຈ້ງດີ. ສະຫາຍຍັງກ່າວຕື່ມວ່າ: ໜ່ວຍກຳມະບານໃນຖານະທີ່ເປັນອົງການຈັດຕັ້ງມະຫາຊົນໜຶ່ງ ທີ່ຢູ່ພາຍໃຕ້ການຊີ້ນໍາ-ນໍາພາຂອງຄະນະໜ່ວຍພັກ ກົມມາດຕະຖານ ແລະ ວັດແທກ ຈົ່ງຕັ້ງໜ້າ ຝຶກຝົນ, ຫຼໍໍໍໍ່ຫຼອມຕົນເອງ, ຄົ້ນຄວ້າຮໍ່າຮຽນແນວທາງນະໂຍບາຍຂອງພັກ, ປະຕິບັດມະຕິ, ຄຳສັ່ງ, ຂໍ້ກຳນົດ, ລະບຽບ, ກົດໝາຍຂອງລັດ, ຈັດຕັ້ງ ແລະ ເຄື່ອນໄຫວຕາມພາລະບົດບາດ ແລະ ໜ້າທີ່ຂອງຕົນຢ່າງເຂັ້ມງວດ

 

ພາບ: ທ ອໍລະຊຸນ ມະນີ

ບົດຂ່າວ: ທ ພຸດທະຈັນ ຊັບທະວີ