ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ຂ່າວສານ
  • Register
ວັນພຸດ, 30 ມັງກອນ 2019 00:00

ປຶກສາຫາລື ກ່ຽວກັບວຽກງານວັດແທກທາງດ້ານກົດໝາຍ Featured

ຕອນເຊົ້າຂອງວັນທີ 24 ມັງກອນ 2019 ກົມມາດຕະຖານ ແລະ ວັດແທກ, ກະຊວງ ວິທະຍາສາດ ແລະ ເຕັກໂນໂລຊີ ເຊີ່ງນຳໂດຍ ທ່ານ ວຽງທອງ ວົງທະວິໄລ ຫົວໜ້າ ກມວ, ທ່ານ ກະດິງທອງ ຫົວໜ້າສູນວັດແທກ, ກມວ ພ້ອມພະນັກງານວິຊາການພາຍໃນສູນ, ຕາງໜ້າ ກົມແຜນການ ແລະ ການຮ່ວມມື  ໄດ້ມີການຕອນຮັບ ແລະ ພົບປະ ກັບທາງກົມການຄ້າພາຍໃນ, ກະຊວງການຄ້າ ແຫ່ງລາດຊະອານາຈັກໄທ

ທີ່ນໍາໂດຍທ່ານ ຊັດໄຊ ສັກສິລະປະໄຊ ຮອງກົມການຄ້າພາຍໃນ, ກະຊວງພານິດ ພ້ອມດ້ວຍ ພະນັກງານ ທີ່ກ່ຽວຂ້ອງ ແລະ ມີທ່ານ ນາງ ຢານີ ສິມິໄຊ ທູດທີ່ປຶກສາທາງດ້ານການຄ້າ ປະຈຳ ສປປລາວ ເຂົ້າຮ່ວມ ເພື່ອປຶກສາຫາລື ກ່ຽວກັບແບບແຜນການດຳເນີນງານທາງດ້ານວຽກງານວັດແທກທາງດ້ານກົດໝາຍຂອງແຕ່ລະຝ່າຍ.

ການພົບປະດັ່ງກ່າວໄດ້ມີການປຶກສາຫາລື, ແລກປ່ຽນບົດຮຽນ ແລະ ພາລະບົດບາດຂອງຕົນກ່ຽວກັບການດຳເນີນງານດ້ານວຽກງານວັດແທກ ຢ່າງກົງໄປກົງມາ ມີການສະເໜີ ບັນຫາຕ່າງໆ ແລະ ແນວທາງໃນການຈັດຕັ້ງປະຕິບັດ ໂດຍໃນເບື້ອງຕົ້ນທັງສອງຝ່າຍ ໄດ້ມີທິດທາງທີ່ຈະຮ່ວມມືກັນເຮັດບົດບັນທຶກຄວາມເຂົ້າໃຈ ໂດຍມີການແລກປ່ຽນຂໍ້ມູນຂ່າວສານລະຫ່ວາງກັນ, ການສ້າງບຸກຄະລາກອນໃຫ້ມີຄວາມຊຳນານໃນວຽກງານດັ່ງກ່າວ, ມີການຮັບຮູ້ເຊີ່ງກັນ ແລະ ກັນ ໃນການຄຸ້ມຄອງສິນຄ້າທີ່ຈະສົ່ງອອກ ຫຼື ນຳເຂົ້າ ແລະ ມີການປະສານສົມທົບໃນຂັ້ນສູນກາງຫາທ້ອງຖີ່ນ ເພື່ອໃຫ້ການດຳເນີນການຕ່າງໆເປັນໄປໃນແນວທາງດຽວກັນ. ເຊີ່ງທັງສອງຝ່າຍ ກໍ່ໄດ້ມີການ ແຕ່ງຕັ້ງ ຄະນະປະສານງານ ຂອງແຕ່ລະຝ່າຍຂື້ນ ເພື່ອໃຫ້ມີຄວາມສະດວກໃນການປະສານງານກັນໃນການກຳນົດເນື້ອໃນລາຍລະອຽດຕ່າງໆເຂົ້າໃນການສ້າງບົດບັນທຶກຄວາມເຂົ້າໃຈໃຫ້ກັບສອງລັດຖະມົນຕີ ຄື: ລັດຖະມົນຕີກະຊວງ ວິທະຍາສາດ ແລະ ເຕັກໂນໂລຊີ ສປປ ລາວ ແລະ ລັດຖະມົນຕີ ກະຊວງ ການຄ້າ ແຫ່ງລາດຊະອານາຈັກໄທ  ເພື່ອເປັນການປົກປ້ອງສິດຜົນປະໂຫຍດຂອງສັງຄົມໃຫ້ມີຄວາມຍຸດຕິທຳທາງດ້ານການຄ້າ, ການນຳເຂົ້າສົ່ງອອກສິນຄ້າທີ່ໄດ້ມາດຕະຖານ, ເຂັ້ມງວດໃນການກວດສອບ ເພື່ອໃຫ້ຜູ້ຜະລິດ ແລະ ຜູ້ບໍລິໂພກໄດ້ຮັບຜົນປະໂຫຍດອັນສູງສຸດ ເພື່ອໃຫ້ວຽກງານດັ່ງກ່າວສາມາດພັດທະນາໄປພ້ອມກັນກັບບັນດາປະເທດອາຊຽນ ທັງສອງຝ່າຍແມ່ນມີຄວາມຍີນດີຊ່ວຍເຫຼືອ ແລະ ສະໜັບສະໜຸນເຊີ່ງກັນ ແລະ ກັນ. ການພົບປະດັ່ງກ່າວໄດ້ດໍາເນີນໄປເປັນເວລາເຄີ່ງມື້.

ຮູບພາບ ແລະ ບົດຂ່າວ: ທ ພຸດທະຈັນ ຊັບທະວີ