ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ຂ່າວສານ
  • Register
ວັນຈັນ, 28 ມັງກອນ 2019 00:00

ກອງປະຊຸມປຶກສາຫາລື ປະກອບຄຳເຫັນໃສ່ຮ່າງຂໍ້ຕົກລົງວ່າດ້ວຍ ການກວດກາ ແລະ ຢັ້ງຢືນຄຸນນະພາບວິສະວະກຳກໍ່ສ້າງ ຢູ່ ສປປ ລາວ

         ໃນຕອນບ່າຍຂອງວັນທີ 23 ມັງກອນ 2019 ຢູ່ທີ່ຫ້ອງປະຊຸມຂອງກົມມາດຕະຖານ ແລະ ວັດແທກ, ກະຊວງວິທະຍາສາດ ແລະ ເຕັກໂນໂລຊີ ໄດ້ມີການຈັດກອງປະຊຸມປະກອບຄຳເຫັນໃສ່ຮ່າງຂໍ້ຕົກລົງວ່າດ້ວຍການກວດກາ ແລະ ຢັ້ງຢືນຄຸນນະພາບ ວິສະວະກຳກໍ່ສ້າງ ຢູ່ ສປປ ລາວ ໃຫ້ກຽດເຂົ້າຮ່ວມ ແລະ ເປັນປະທານ ຂອງທ່ານ ສຸກສະຫວາດ ສີຫາປັນຍາ ຮອງກົມມາດຕະຖານ ແລະ ວັດແທກ,ກວຕ ມີບັນດາທ່ານ ຫົວໜ້າພະແນກ, ຮອງພະແນກ, ຫົວໜ້າສູນ, ຮອງສູນ ພ້ອມດ້ວຍພະນັກງານວິຊາການ ພາຍໃນກົມ ເຂົ້າຮ່ວມ.

         ທ່ານ ປະທານກອງປະຊຸມໄດ້ອະທິບາຍກ່ຽວກັບຈຸດປະສົງໃນການສ້າງຂໍ້ຕົກລົງສະບັບນີ້ ແມ່ນເພື່ອກຳນົດຫຼັກການ, ລະບຽບການ ແລະ ມາດຕະຖານ ກ່ຽວກັບການກວດກາ ແລະ ຢັ້ງຢືນຄຸນນະພາບວິສະວະກຳກໍ່ສ້າງຢູ່ ສປປ ລາວ ບົນພື້ນຖານຄວາມຖືກຕ້ອງຕາມລະບຽບ, ຫຼັກການ, ກົດໝາຍ ແລະ ມາດຕະຖານແຫ່ງຊາດ ຊື່ງສອດຄ່ອງກັບລະບຽບການຂອງພາກພື້້ນ ແລະ ສາກົນ; ແນ່ໃສ່ຕອບສະໜອງວຽກງານວິສະວະກຳກໍ່ສ້າງໃຫ້ມີຄຸນນະພາບ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມແຫ່ງຊາດ.

         ຫຼັງຈາກນັ້ນໄດ້ມີການປະກອບຄຳຄິດຄຳເຫັນໃສ່ຮ່າງຂໍ້ຕົກລົງສະບັບນີ້ເພື່ອເຮັດໃຫ້ຂໍ້ຕົກລົງມີເນື້ອໃນຄົບຖ້ວນ, ສົມບູນ. ໂດຍກອງປະຊຸມຄັ້ງນີ້ເປັນຂັ້ນທຳອິດ ພາຍຫຼັງກອງປະຊຸມຄັ້ງນີ້ສຳເລັດ ຈະໄດ້ນຳເອົາຄຳຄິດຄຳເຫັນດັ່ງກ່າວມາປັບປຸງ ແລະ ຈະໄດ້ຈັດກອງປະຊຸມປຶກສາຫາລືປະກອບຄຳເຫັນໃນຂັ້ນຕໍ່ໄປເພື່ອເຮັດໃຫ້ເນື້ອໃນຄົບຖ້ວນສົມບູນຂື້ນຕື່ມ; ກອງປະຊຸມໄດ້ດຳເນີນເປັນເວລາເຄີ່ງມື້.

 

ຮູບພາບ ແລະ ບົດຂ່າວ: ທ ພຸດທະຈັນ ຊັບທະວີ