ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ຂ່າວສານ
  • Register
ວັນພະຫັດ, 03 ມັງກອນ 2019 00:00

ກອງປະຊຸມຜ່ານຮ່າງມາດຕະຖານນໍ້າມັນກາດໄຕ້, ນໍ້າມັນເຕົາ, ແກັສຫຸງຕົ້ມ ແລະ ນໍ້າມັນກາຊວນຊີວະພາບ ເພື່ອຮັບຮອງ ແລະ ປະກາດໃຊ້ເປັນມາດຕະຖານແຫ່ງຊາດຢ່າງເປັນທາງການ

ໃນລະຫວ່າງວັນທີ 27-28 ທັນວາ 2018 ພະແນກມາດຕະຖານ, ກົມມາດຕະຖານ ແລະ ວັດແທກ, ກະຊວງວິທະຍາສາດ ແລະ ເຕັກໂນໂລຊີ ໄດ້ຈັດກອງປະຊຸມຄົ້ນຄວ້າ, ປຶກສາຫາລື ແລະ ປະກອບຄໍາເຫັນໃສ່ 4 ຮ່າງມາດຕະຖານຄື: ຮ່າງມາດຕະຖານນຳ້ມັນກາດໄຕ້, ຮ່າງມາດຕະຖານນໍ້າມັນເຕົາ, ຮ່າງມາດຕະຖານແກັສຫຸງຕົ້ມ ແລະ ຮ່າງມາດຕະຖານນໍ້າມັນກາຊວນຊີວະພາບສຳລັບເຄື່ອງຈັກຮອບໝູນໄວ

ໃນຂັ້ນຄະນະກຳມະການສະພາມາດຕະຖານແຫ່ງຊາດ ເພື່ອຮັບຮອງທາງດ້ານເນື້ອໃນມາເປັນມາດຕະຖານແຫ່ງຊາດ ຢູ່ທີ່ ຫ້ອງປະຊຸມໂຮງແຮມທະວີສຸກ, ເມືອງ ວັງວຽງ, ແຂວງ ວຽງຈັນ. ໃຫ້ກຽດເຂົ້າຮ່ວມເປັນປະທານກ່າວເປີດ ແລະ ດຳເນີນກອງປະຊຸມໂດຍ ທ່ານ ບຸນຕີ ທະມິດ ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ, ປະທານ ສະພາມາດຕະຖານແຫ່ງຊາດ, ພ້ອມດ້ວຍຄະນະກຳມະການສະພາມາດຕະຖານແຫ່ງຊາດ, ຫົວໜ້າຄະນະກໍາມະການເຕັກນິກແຫ່ງຊາດດ້ານຜະລິດຕະພັນເຊຶ້ອໄຟ ແລະ ອາຍແກັສ, ພ້ອມດ້ວຍຜູ້ຕາງໜ້າຈາກພະແນກ, ສູນ ພາຍໃນກົມມາດຕະຖານ ແລະ ວັດແທກ ແລະ ກອງເລຂາສະພາມາດຕະຖານແຫ່ງຊາດ ລວມທັງໝົດ 33 ທ່ານ. ຈຸດປະສົງຂອງກອງປະຊຸມໃນຄັ້ງນີ້ແມ່ນ ເພື່ອຄົ້ນຄວ້າ, ປຶກສາຫາລື ແລະ ປະກອບຄຳເຫັນໃສ່ບັນດາຮ່າງມາດຕະຖານດັ່ງກ່າວ ເພື່ອເອກະພາບກັນ ແລະ ຮັບຮອງເອົາທາງດ້ານເນື້ອໃນ ໃນຂັ້ນສະພາມາດຕະຖານແຫ່ງຊາດ. ພາຍຫຼັງທີ່ຮັບຮອງແລ້ວ, ບັນດາ 4 ຮ່າງມາດຕະຖານດັ່ງກ່າວຈະໄດ້ນໍາສະເໜີເຖິງ ທ່ານ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ເຊັນປະກາດໃຊ້ ເປັນມາດຕະຖານແຫ່ງຊາດ ຢ່າງເປັນທາງການ.