ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ຂ່າວສານ
  • Register
ວັນສຸກ, 21 ທັນວາ 2018 00:00

ກມວ ສຶກສາຄວາມເປັນໄປໄດ້ໃນການສ້າງສູນວັດແທກ ເຕືອນໄພພິບັດ ຂອງເຂື່ອນໄຟຟ້າ ຢູ່ ສປປ ລາວ

ຕອນແລງຂອງວັນທີ 18 ທັນວາ 2018 ໄດ້ມີການຈັດພິທີເຊັນບົດບົດບັນທຶກຄວາມເຂົ້າໃຈ (MOU) ກ່ຽວກັບການສຶກສາຄວາມເປັນໄປໄດ້ໃນການສ້າງສູນວັດແທກ ເຕືອນໄພພິບັດຂອງເຂື່ອນໄຟຟ້າ ຢູ່ ສປປ ລາວ; ພິທີດັ່ງກ່າວຈັດຂຶ້ນທີ່ ໂຮງແຮມ ເມກຽວ ນະຄອນຫລວງວຽງຈັນ ລະຫ່ວາງ

ກົມມາດຕະຖານ ແລະ ວັດແທກ ແລະ ບໍລິສັດ ອິນເຕີເນເຊິນນໍ ອິນເຕີເກລດ ຊິດສ໌ເຕັມ ລາວ ຈໍາກັດ ເຊີ່ງໃຫ້ກຽດເປັນສັກຂີພິຍານ ໂດຍ ທ່ານ ບັນດິດ ສຈ ບໍ່ວຽງຄໍາ ວົງດາລາ, ກຳມະການສູນກາງພັກ, ເລຂາຄະນະພັກ ທັງເປັນ ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ,  ມີບັນດາຮອງ ລັດທະມົນຕີ ກວຕ, ຫົວໜ້າ ກົມ, ຫ້ອງການ, ສະຖາບັນ ແລະ ບັນດາພະນັກງານທີ່ກ່ຽວຂ້ອງ ເຂົ້າຮ່ວມທັງສອງຝ່າຍ.

 ລົງນາມເຊັນບົດບັນທຶກ ໂດຍທ່ານ ວຽງທອງ ວົງທະວິໄລ ຫົວໜ້າກົມມາດຕະຖານ ແລະ ວັດແທກ, ທ່ານ ກະດິງທອງ ສິງດາລາ  ຫົວໜ້າສູນ ວັດແທກ ແລະ ທ່ານ ອາລີວັນ ສີທາລາ ປະທານບໍລິສັດ ອິນເຕີເນເຊິນນໍ ອິນເຕີເກລດ ຊິດສ໌ເຕັມ ລາວ ຈໍາກັດ.

 ທ່ານ ວຽງທອງ ວົງທະວິໄລ ໄດ້ຂື້ນກ່າວຈຸດປະສົງໃນການຈັດພິທີໃນຄັ້ງນີ້ວ່າ: ເພື່ອຕອບສະໜອງ ຄວາມຮຽກຮ້ອງຕ້ອງການຂອງສັງຄົມໃນ ການແກ້ໄຂປະກົດການຫຍໍ້ທໍ້ ແລະ ປົກປ້ອງປະຊາຊົນ ຢູ່ ໃນ ສປປ ລາວ ໃຫ້ຮັບປະກັນຄຸນນະພາບ ແລະ ຖືກຕ້ອງຕາມມາດຕະຖານ ແຫ່ງຊາດ ແລະ ມາດຕະຖານສາກົນ, ການຈັດຕັ້ງປະຕິບັດວຽກງານດັ່ງກ່າວນີ້ເປັນ ການປະກອບສ່ວນ ຜັນຂະຫຍາຍ ມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ແຜນພັດທະນາເສດຖະກິດ-ສັງຄົມ 05 ປີ ຄັ້ງທີ VIII (2016-2020) ຂອງ ສປປ ລາວ ໃຫ້ປະກົດຜົນເປັນຈິງ.

ທັງສອງຝ່າຍຈື່ງໄດ້ ປະສານສົມທົບກັນ ກະກຽມເງື່ອນໄຂດັ່ງນີ້: ດ້ານນິຕິກຳ ແມ່ນໃຫ້ມີການສ້າງສູນວັດແທກ ເຕືອນໄພພິບັດ ຂອງເຂື່ອນໄຟຟ້າ ຢູ່ ສປປ ລາວ, ພັດທະນາຊັບພະຍາກອນມະນຸດ ແລະ ສ້າງວິຊາການ, ມີການຈັດຝຶກອົບຮົມກ່ຽວກັບວຽກງານດັ່ງກ່າວ ແລະ ເຜີຍແຜ່ໃຫ້ພາກລັດ ແລະ ເອກະຊົນຮັບຊາບ, ມີການຈັດຫາວິຊາການ, ອຸປະກອນ ແລະ ຄູ່ມື ຢ່າງມີປະສິດທິພາບ ໃນການຮັບຮອງວຽກງານດັ່ງກ່າວເພື່ອໃຫ້ ສອດຄ່ອງຕາມມາດຕະຖານແຫ່ງຊາດ ແລະ ມາດຕະຖານ ສາກົນ.

 

 

 

ຮູບພາບ ແລະ ບົດຂ່າວ: ທ ພຸດທະຈັນ ຊັບທະວີ