ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ຂ່າວສານ
  • Register
ວັນອັງຄານ, 11 ທັນວາ 2018 00:00

ກອງປະຊຸມຄະນະກຳມະການທີ່ປຶກສາດ້ານມາດຕະຖານ ແລະ ຄຸນນະພາບຂອງອາຊຽນ ແລະ ວຽກງານທີ່ກ່ຽວຂ້ອງ ຄັ້ງທີ 50 Featured

   ໃນ​ວັນ​ທີ 10-14/12/2018 ກົມ​ມາດຕະຖານ ​ແລະ ວັດ​​ແທກ, ກະຊວງວິທະຍາສາດ ແລະ ເຕັກໂນໂລຊີ​ ສປປ ລາວ ໄດ້ຮັບກຽດເປັນເຈົ້າພາບ​ຈັດ​ກອງ​ປະ​ຊຸມ​​ຄະນະກຳມະການທີ່ປຶກສາດ້ານມາດຕະຖານ ແລະ ຄຸນນະພາບຂອງອາຊຽນ ແລະ ວຽກງານອື່ນທີ່ກ່ຽວຂ້ອງ ຕາມພັນທະ ແລະ ວາລະກອງປະຊຸມ, ກອງປະຊຸມໄດ້ໄຂຢ່າງເປັນທາງການ ​ທີ່​ໂຮງ​ແຮມ​ລາວພຣາຊາ, ນະຄອນຫຼວງວຽງຈັນ ໂດຍ​ໃຫ້​ກຽດ​ເປີ​ດພິທີກອງ​ປະຊຸມ​ໂດຍ ທ່ານ ວຽງທອງ ວົງທະວິໄລ ຫົວໜ້າ ​ກົ​ມມາດຕະຖານ ​ແລະ ວັດ​ແທກ, ກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ ​ແລະ ພ້ອມ​ມີ​ປະທານ​ຂອງຄະນະກຳມະການທີ່ປຶກສາດ້ານມາດຕະຖານ ແລະ ຄຸນນະພາບຂອງອາຊຽນ ໂດຍ​ທ່ານ Mr. sim choon siong  ຈາກປະເທດສິງກະໂປ, ກອງ​ເລຂາ​ອາ​ຊຽນ ແລະ ບັນດາຜູ້ແທນທີ່ເຂົ້າຮ່ວມຈາກ 10 ປະ​ເທດ​ ສະມາຊິກ​ອາ​ຊຽນ ແລະ ຄູ່ຮ່ວມເຈລະຈາລະຫວ່າງປະເທດ, ພ້ອມດ້ວຍພະນັກງານ​ວິຊາ​ການ​ຈາກ​ກົມ​ມາດຕະຖານ ​ແລະ ວັດ​ແທກ  ແລະ ຂະແໜງການທີ່ກ່ຽວຂ້ອງເຂົ້າຮ່ວມ ມີທັງໝົດ 100 ທ່ານ.

ຈຸດປະສົງຂອງການຈັດກອງປະຊຸມໃນຄັ້ງນີ້ ແມ່ນ ເພື່ອສືບຕໍ່ປຶກສາຫາລື, ທົບທວນແຜນງານ ແລະ ການລາຍງານຄວາມຄືບໜ້າຂອງແຕ່ລະກິດຈະກຳຂອງບັນດາໜ່ວຍງານວິຊາການຂອງອາຊຽນທີ່ຂື້ນກັບ ຄະນະກຳມະ ການທີ່ປຶກສາດ້ານມາດຕະຖານ ແລະ ຄຸນນະພາບ ຂອງ ອາຊຽນ (ACCSQ) ແລະ ທັງເປັນການແລກປ່ຽນບົດຮຽນທາງດ້ານນະໂຍບາຍເຕັກນິກວິຊາການຂອງຂອບເຂດການຮ່ວມມືທາງດ້ານວິຊາການຈາກອົງການຈັດຕັ້ງສາກົນທີ່ໃຫ້ການຊ່ວຍເຫຼືອ ໂດຍສະເພາະແມ່ນປະເທດຄູ່ຮ່ວມເຈລະຈາເປັນຕົ້ນແມ່ນ ປະເທດອົດສະຕາລີ, ຢີ່ປຸ່ນ, ສະຫະລັດອາເມລິກາ, ເຢຍລະມັນ ແລະ ປະເທດອື່ນໆ. ພ້ອມດຽວກັນນີ້ ກອງປະຊຸມກໍຍັງຈະໄດ້ທົບທວນແຜນກິດຈະກຳການພັດທະນາພື້ນຖານໂຄງລ່າງດ້ານຄຸນນະພາບ ແລະ ການເຊື່ອມໂຍງມາດຕະຖານໃນອາຊຽນ ແລະ ແຜນຍຸດທະສາດ ໃນສົກປີ 2016-2025 ດ້ວຍການເປີດກອງປະຊຸມສຳມະນາຮ່ວມກັບປະເທດ ແລະ ອົງການຈັດຕັ້ງສາກົນທີ່ເຂົ້າຮ່ວມໃນນາມເປັນຄູ່ຮ່ວມເຈລະຈາ. ທັງນີ້ກໍເພື່ອເລັ່ງໃສ່ການຂໍຄວາມຊ່ວຍເຫຼືອທາງດ້ານວິຊາການ ແລະ ງົບປະມານໃນການຜັນຂະຫຍາຍແຜນວຽກງານດັ່ງກ່າວຕາມນະໂຍບາຍຂອງປະຊາຄົມເສດຖະກິດອາຊຽນ ແລະ ຫັນປ່ຽນແນວທາງນະໂຍບາຍ ລະບຽບການ, ມາດຕະຖານ ໃຫ້ສອດຄ່ອງກັບພາກພື້ນ ແລະ ສາກົນ.

ກອງປະຊຸມແມ່ນຈະໄດ້ດຳເນີນໄປເປັນເວລາ 5 ວັນຈື່ງຈະສຳເລັດລົງ.