ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ກິດຈະກຳ
  • Register
ວັນຈັນ, 28 ກັນຍາ 2015 00:00

ກອງປະຊຸມເຜີຍແຜ່ພື້ນຖານໂຄງລ່າງ ດ້ານຄຸນນະພາບແຫ່ງຊາດ

ກົມມາດຕະຖານ ແລະ ວັດແທກ, ກະຊວງວິທະ ຍາສາດ ແລະ ເຕັກໂນໂລຊີ (ກວຕ), ໄດ້ຈັດກອງປະ ຊຸມເຜີຍແຜ່ພື້ນຖານໂຄງລ່າງດ້ານຄຸນນະພາບແຫ່ງຊາດ ຂຶ້ນ ໃນວັນທີ 14 ພຶດສະພາ 2015, ທີ່ໂຮງແຮມລາວພລາຊາ, ໃຫ້ ກຽດເປັນປະທານໂດຍ ທ່ານ ດຣ. ສາຄອນ ຈະເລີນວົງ, ລັດຖະມົນຕີຊ່ວຍວ່າການ ກວຕ, ຊຶ່ງມີຜູ້ເຂົ້າ ຮ່ວມຈາກ ບັນດາກະຊວງ, ຂະແໜງການຕ່າງໆ ລວມທັງບໍລິສັດ, ລັດວິສາຫະກິດ ແລະ ແຂກຖືກເຊີນຈໍານວນ ທັງໝົດ 70 ກວ່າທ່ານ.

ຈຸດປະສົງຂອງການຈັດກອງປະຊຸມໃນຄັ້ງນີ້, ແມ່ນເພື່ອເຜີຍແຜ່ແຜນງານການສ້າງພື້ນຖານໂຄງລ່າງ ດ້ານຄຸນນະພາບແຫ່ງຊາດ ແລະ ການຮຽນຮູ້ວຽກງານທີ່ເປັນຈຸດໃຈກາງຂອງແຜນງານດັ່ງກ່າວເຊັ່ນ: ມາດຕະ ຖານວັດ ແທກ ການຄຸ້ມຄອງຄຸນນະພາບ ແລະ ການຮັບຮອງ.

ໃນໂອກາດເປັນປະທານກ່າວເປີດກອງປະຊຸມໃນຄັ້ງນີ້ ທ່ານລັດຖະມົນຕີຊ່ວຍວ່າການ ໄດ້ກ່າວບາງ ຕອນວ່າ: ໃນປັດຈຸບັນການນຳ, ການຈັດຕັ້ງທຸກຂັ້ນກໍຄືອົງ ການທີ່ກ່ຽວຂ້ອງຂອງລັດຖະບານ ໄດ້ສຸມໃສ່ໃນການ ເຂົ້າຮ່ວມການເຄື່ອນໄຫວຂອງອົງການການຄ້າໂລກ ທີ່ພວກເຮົາເຂົ້າເປັນສະມາຊິກໃນປີ 2013 ແລະ ກະກຽມຄວາມ ພ້ອມໃນການເຂົ້າຮ່ວມເປັນປະຊາຄົມເສດຖະ ກິດອາຊຽນໃນປີ 2015 ນີ້, ສະນັ້ນ ຕ້ອງໄດ້ເອົາໃຈໃສ່ເປັນພິເສດໃນການຕິດຕາມ ກວດກາ ຜະລິດຕະພັນໃຫ້ຖືກຕ້ອງຕາມ ລະບຽບການຂອງພາກພື້ນ ແລະ ສາກົນ, ບໍ່ວ່າຈະເປັນຜະລິດຕະພັນກະສິກຳຂົງເຂດອຸດສາຫະກຳ, ຂົງເຂດການທ່ອງທ່ຽວ ແລະ ອື່ນໆ. ພວກເຮົາຈະໄດ້ພ້ອມກັນເອົາໃຈໃສ່ ເພື່ອໃຫ້ສອດຄ່ອງກັບລະບຽບການ ຂອງສາກົນ ໂດຍມອບໃຫ້ອົງການທີ່ກ່ຽວຂ້ອງເປັນເຈົ້າການໂດຍກົງໃນການເຄື່ອນໄຫວຄຸ້ມຄອງວຽກງານດັ່ງກ່າວ, ໃນນັ້ນ ວຽກງານມາດຕະຖານ, ຄຸນນະພາບ ແລະ ວັດແທກ ແມ່ນເປັນຄວາມຮັບຜິດຊອບຂອງກະຊວງວິທະຍາສາດ ແລະ ເຕັກໂນໂລຊີ ເປັນຜູ້ຮັບຜິດຊອບໂດຍກົງ.

ທ່ານຍັງກ່າວຕື່ມວ່າ: ໃນໄລຍະຜ່ານມາພວກເຮົາໄດ້ສົມທົບກັບບັນດາອົງການຕ່າງໆ ຢູ່ຂັ້ນສູນກາງ ແລະ ທ້ອງຖິ່ນ ໄດ້ອອກແຮງເຄື່ອນໄຫວຢ່າງແຂງແຮງ ແລະ ຕັ້ງໜ້າດ້ວຍຫຼາຍຮູບການ ເປັນຕົ້ນ ສ້າງນິຕິກຳເພື່ອເປັນບ່ອນອີງໃນການເຄື່ອນໄຫວ, ຈັດຕັ້ງຄະນະວິຊາການ ເຄື່ອນໄຫວຕາມພາລະບົດບາດຂອງຕົນເຊັ່ນ: ກວຕ ໃນນາມ ອົງການມາດຕະຖານແຫ່ງຊາດ ກໍໄດ້ສ້າງກົດໝາຍມາດຕະຖານ ຊຶ່ງສະພາແຫ່ງຊາດໄດ້ປະກາດໃຊ້ໃນປີ 2007 ມາຮອດປີ 2014 ກໍໄດ້ປັບປຸງໃຫ້ມີຄວາມ ສອດຄ່ອງ ກັບສາກົນ. ກົດໝາຍວ່າດ້ວຍການວັດແທກກໍໄດ້ປັບປຸງໃນປີ 2013, ເພື່ອຜັນຂະຫຍາຍເນື້ອໃນຂອງກົດໝາຍແລ້ວພວກເຮົາຈຳຕ້ອງມີດຳລັດ ແລະ ລະບຽບ ການທາງດ້ານ ເຕັກນິກອື່ນໆ ເພື່ອກຽມຄວາມພ້ອມໃນການເຄື່ອນໄຫວກັບໝູ່ ຫຼື ກັບບັນດາປະເທດອື່ນໆ. ໃນວຽກງານມາດຕະຖານ, ຄຸນນະພາບ, ວັດແທກ ພວກເຮົາ ຈຶ່ງໄດ້ກຳນົດ ແຜນການເຄື່ອນໄຫວແຕ່ນີ້ຫາປີ 2020 ເພື່ອເປັນບ່ອນອີງໃຫ້ແກ່ການເຄື່ອນໄຫວວຽກງານມາດຕະຖານ, ຄຸນນະພາບ, ວັດແທກ ໂດຍພາຍໃຕ້ການ ຊີ້ນຳ-ນຳພາ ຂອງຄະນະ ນຳກະຊວງ ໂດຍສົມທົບກັບກະຊວງ ອຸດສາຫະກຳ ແລະ ການຄ້າ ແລະ ພາກສ່ວນຕ່າງໆທີ່ກ່ຽວຂ້ອງ ພວກເຮົາໄດ້ສ້າງແຜນງານເພື່ອ ກໍ່ສ້າງພື້ນ ຖາໂຄງລ່າງ ດ້ານຄຸນນະພາບ ແຫ່ງຊາດຂຶ້ນ ເພື່ອເປັນບ່ອນອີງໃນການສ້າງບັນດາປັດໄຈ ເພື່ອການປັບປຸງໂຄງລ່າງ ດ້ານຄຸນນະພາບ ໂດຍການມອບໝາຍໃຫ້ກົມມາດຕະ ຖານ ແລະ ວັດແທກ ເປັນຜູ້ຈັດຕັ້ງປະຕິບັດ ພາຍໃນກອບການປະຕິບັດຂອງ ໂຄງການເສີມສ້າງຄວາມເຂັ້ມແຂງ ໃຫ້ແກ່ພື້ນຖານໂຄງລ່າງດ້ານຄຸນນະພາບແຫ່ງຊາດ ກ່ຽວກັບວຽກງານມາດຕະຖານ ແລະ ວັດແທກ. ກອງປະຊຸມຄັ້ງນີ້ ຖືວ່າເປັນການເປີດໃບໜ້າໃໝ່ແຫ່ງການພັດທະນາ ຜະລິດຕະພັນສິນຄ້າ ແລະ ການບໍລິການ ໃຫ້ສາ ມາດເຂົ້າເຖິງຊ່ອງທາງການໄດ້ຮັບ ມາດຕະຖານ, ຄຸນນະພາບ ແລະ ການກວດສອບປະເມີນຕ່າງໆ.

ໃນກອງປະຊຸມ ຜູ້ເຂົ້າຮ່ວມແມ່ນໄດ້ຮັບຟັງການບັນຍາຍຈາກ ຜູ້ຕາງໜ້າໂຄງການ, ພາກສ່ວນຕ່າງໆທີ່ກ່ຽວຂ້ອງຈາກພາຍໃນປະເທດ ແລະ ສາກົນ, ກອງປະ ຊຸມຄັ້ງນີ້ ແມ່ນໄດ້ດຳເນີນໄປເປັນເວລາ 2 ວັນ.

Latest from