ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ກິດຈະກຳ
  • Register
ວັນອັງຄານ, 05 ມີນາ 2019 00:00

ສ້າງຂະບວນການກິລາບານເຕະ

          ໃນວັນທີ 1 ມີນາ 2019 ທີ່ຜ່ານມາ ໄດ້ມີການຈັດກິດຈະກຳກິລາບານເຕະມິດຕະພາບ ຊາຍ-ຍິງ ລະຫ່ວາງ ກົມມາດຕະຖານ ແລະ ວັດແທກ ແລະ ກົມຈັດຕັ້ງ ແລະ ພະນັກງານ ຈຸດປະສົງ:​ ເພື່ອສ້າງຂະບວນການຕ້ອນຮັບ

ກອງປະຊຸມສາມຂັ້ນຂອງສາມອົງການຈັດຕັ້ງຊາວໜຸ່ມ, ແມ່ຍິງ ແລະ ກຳມະບານ ຂອງກົມມາດຕະຖານ ແລະ ວັດແທກ ທັງເປັນການຮັດແໜ້ນຄວາມ ສາມັກຄີ ລະຫ່ວາງ ກົມມາດຕະຖານ ແລະ ວັດແທກ ແລະ ກົມຈັດຕັ້ງ ແລະ ພະນັກງານ ໂດຍການເຂົ້າຮ່ວມຂອງ ທ່ານ ບຸນຕີ ຖະມິດ ຮອງລັດທະມົນຕີ ກະຊວງວິທະຍາສາດ ແລະ ເຕັກໂນໂລຊີ ແລະ ບັນດາຄະນະນຳຂອງສອງກົມ ພ້ອມດ້ວຍອ້າຍນ້ອງພະນັກງານວິຊາການເຂົ້າຮ່ວມຢ່າງພ້ອມພຽງ ຢູ່ທີ່ເດີ່ນເຕະບານ 3A.

          ໃນການແຂ່ງຂັນແມ່ນແບ່ງອອກເປັນ 02 ປະເພດ ຄື ປະເພດທີມຊາຍ ແລະ ທີມຍິງ . ບັນຍາກາດການແຂ່ງຂັນດຳເນີນໄປຢ່າງຟົດຟື້ນ ແລະ ມ່ວນຊື່ນ ຖາມກາງສຽງເຊຍຂອງກອງເຊຍທັງສອງຝ່າຍ ດັງທົ່ວຂອບສະໜາມ. ຜົນການແຂ່ງຂັນຈົບລົງໂດຍແມ່ນທິມຍິງຂອງກົມມາດຕະຖານສາມາດເອົາຊະນະ ກົມຈັດຕັ້ງ ແລະ ພະນັກງານ ດ້ວຍຈຳນວນປະຕູ 2-1 ແລະ ທິມຊາຍ ກໍ່ແມ່ນທີມກົມມາດຕະຖານ ແລະ ວັດແທກ ເອົາຊະນະໄປດ້ວຍປະຕູ 3-2.

ໃນການຈັດກິດຈະກຳຄັ້ງນີ້ເຫັນໄດ້ເຖີງຄວາມມີນ້ຳໃຈນັກກິລາ ແລະ ຄວາມສາມັກຄີເປັນຈິດໜື່ງໃຈດຽວກັນ.

ຮູບພາບ ແລະ ບົດຂ່າວ : ທ ພຸດທະຈັນ ຊັບທະວີ