ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ກິດຈະກຳ
  • Register
ວັນຈັນ, 04 ມີນາ 2019 00:00

ສ້າງຂະບວນການຂໍ່ານັບຮັບຕ້ອນ ກອງປະຊຸມໃຫຍ່ 3 ຂັ້ນຂອງ ອົງການຈັດຕັ້ງມະຫາຊົນ ກະຊວງວິທະຍາສາດ ແລະ ເຕັກໂນໂລຊີ Featured

ໃນຕອນແລງຂອງວັນທີ 19 ກຸມພາ 2019, ສາມອົງ ການຈັດຕັ້ງມະຫາຊົນ 6 ພາກສ່ວນພາຍໃນ ກະຊວງ ວິທະຍາສາດ ແລະ ເຕັກໂນໂລຊີ (ກວຕ) ປະກອບມີ: ຫ້ອງການ, ກົມຈັດຕັ້ງ ແລະ ພະນັກງານ, ກົມກວດກາ, ແຜນ ການ ແລະ ການຮ່ວມມື, ກົມມາດຕະຖານ ແລະ ວັດແທກ ແລະ ກົມຊັບສິນທາງປັນຍາ ໄດ້ຈັດກິດຈະກໍາແຂ່ງ ຂັນກິລາບານເຕະຂຶ້ນ ທີ່ເດີ່ນລິກາບານເຕະເພີເລີລີ, ໂດຍເປັນກຽດເຂົ້າຮ່ວມຮັບຊົມກິດຈະກຳຄັ້ງນີ້ມີ ທ່ານ ບັນດິດ ສຈ. ບໍ່ວຽງຄໍາ ວົງດາລາ, ກໍາມະການສູນກາງພັກ, ເລຂາຄະນະພັກ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ, ທ່ານ ບຸນຕີ ທະມິດ, ຮອງເລຂາຄະນະພັກ, ຮອງລັດຖະມົນຕີ ກະຊວງວິທະຍາສາດ ແລະ ເຕັກໂນ ໂລຊີ ພ້ອມດ້ວຍ

ບັນດາທ່ານຫົວໜ້າ, ຮອງຫົວໜ້າ ຫ້ອງການ, ຫົວໜ້າກົມ ແລະ ອ້າຍເອື້ອຍນ້ອງສາມອົງການ ຈັດຕັ້ງມະຫາຊົນຂອງແຕ່ລະພາກສ່ວນເຂົ້າຮ່ວມຢ່າງພ້ອມພຽງ.

ຈຸດປະສົງຂອງການຈັດກິດຈະກໍາໃນຄັ້ງນີ້, ເພື່ອເປັນການສ້າງຂະບວນການຂໍ່ານັບຮັບຕ້ອນ ກອງປະຊຸມ ໃຫຍ່ 3 ຂັ້ນຂອງ ສາມອົງການຈັດຕັ້ງມະຫາຊົນ ຊາວໜຸ່ມ, ແມ່ຍິງ ແລະ ກໍາມະບານ ຂອງ ກວຕ ພ້ອມທັງ ເພື່ອເປັນການຮັດແໜ້ນຄວາມສາມະຄີ ລະຫວ່າງ ກົມກອງພາຍໃນກະຊວງ ກໍຄື ອ້າຍເອື້ອຍນ້ອງພະນັກງານໃຫ້ມີ ຄວາມສະໜິດສະໜົມຍິ່ງໆຂຶ້ນ.

ການແຂ່ງຂັນກິລາບານເຕະຄັ້ງນີ້ ທີມນັກກິລາບານເຕະຊາຍແມ່ນໄດ້ແບ່ງອອກເປັນ 4 ທີມ, ແລະ ທີມຍິງ 2 ທີມ ປະສົມກັນ ຄື: ຄູ່ທີ 1 (ຊາຍ) ເປັນການພົບ ກັນລະຫວ່າງ ທີມນັກກິລາປະສົມ ຫ້ອງການ ຮ່ວມກັບ ກົມຈັດຕັ້ງ ແລະ ພະນັກງານ ພົບກັບ ທີມນັກກິລາປະສົມ ກົມກວດກາ ຮ່ວມກັບ ກົມຊັບສິນທາງປັນຍາ, ຜົນການ ແຂ່ງຂັນປະກົດວ່າທັງສອງທີມສະເໝີກັນ ດ້ວຍຄະແນນ 1-1 ປະຕູ ແລະ ຈົບດ້ວຍການຍິງຈຸດໂທດ ຊຶ່ງທີມຂອງ ນັກກິລາປະສົມ ຫ້ອງການ ຮ່ວມກັບ ກົມຈັດຕັ້ງ ແລະ ພະນັກງານ ສາມາດເອົາຊະນະດ້ວຍຈຸດໂທດ 4-2 ປະຕູ ເຂົ້າຊີງອັນດັບ 1.

ຄູ່ທີ 2 (ຊາຍ) ເປັນການພົບກັນລະຫວ່າງ ທີມນັກກິລາ ກົມມາດຕະຖານ ແລະ ວັດແທກ ພົບກັບ ກົມແຜນການ ແລະ ການຮ່ວມມື, ຜົນການແຂ່ງຂັນ ປະກົດວ່າ ທີມນັກກິລາ ກົມມາດຕະຖານ ແລະ ວັດແທກ ສາມາດເອົາຊະນະ ທີມນັກລິກາ ກົມແຜນການ ແລະ ຮ່ວມມື ດ້ວຍຄະແນນ 7-5 ປະຕູ ເຂົ້າຊີງອັນດັບ 1.

ຄູ່ທີ 3 (ຍິງ) ເປັນການພົບກັນລະຫວ່າງ ທີມນັກກິລາປະສົມ ທີມທີ 1 ມີ: ຫ້ອງການ, ກົມມາດຕະຖານ ແລະ ວັດແທກ, ກົມຈັດຕັ້ງ ແລະ ພະນັກງານ ພົບກັບ ທີມທີ 2 ມີ: ກົມຊັບສິນທາງປັນຍາ, ກົມກວດກາ, ກົມແຜນການ ແລະ ຮ່ວມມື, ຜົນການແຂ່ງຂັນປະກົດວ່າ ທີມນັກກິລາປະສົມ ທີມທີ 1 ສາມາດເອົາຊະນະທີມທີ 2 ດ້ວຍຄະແນນ 1-0 ປະຕູ.

ຫຼັງຈາກຈົບການແຂ່ງຂັນກິລາບານເຕະຍິງ ຍັງໄດ້ສືບຕໍ່ການແຂ່ງຂັນໃນຮອບຊີງຊະນະເລີດຂອງທີມບານເຕະຊາຍ ຊຶ່ງເປັນການພົບກັນລະຫວ່າງ ທີມນັກກິລາ ປະສົມ ຫ້ອງການ ຮ່ວມກັບ ກົມຈັດຕັ້ງ ແລະ ພະນັກງານ ພົບກັບ ທີມນັກກິລາ ກົມມາດຕະຖານ ແລະ ວັດແທກ, ຜ່ານການແຂ່ງຂັນອັນດຸເດືອດດ້ວຍບັນຍາກາດຝົດຝືນ ຂອງກອງເຊຍຂ້າງສະໜາມ ບວກກັບກໍາລັງຂອງນັກກິລາທັງສອງທີມບໍ່ມີໃຜຍອມເສຍປະຕູໃຫ້ໃຜງ່າຍໆ ເຮັດໃຫ້ທັງສອງທີມຕ້ອງຈົບລົງດ້ວຍຄະນະສະເໝີກັນ 1-1 ປະຕູ.

 

ຮູບພາບ: ພຸດທະຈັນ ຊັບທະວີ

ຂ່າວ: ບາລະຄອນ ສຸວັນນະພາສີ