ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ກິດຈະກຳ
  • Register
ວັນສຸກ, 19 ຕຸລາ 2018 00:00

ສ້າງກິດຈະກຳເພື່ອສະເຫຼີມສະຫຼອງວັນມາດຕະຖານສາກົນ ປະຈຳປີ 2018

ໃນຕອນບ່າຍຂອງວັນທີ 17  ຕຸລາ 2018 ນີ້ ທີ່ຫ້ອງປະຊຸມຄະນະວິທະຍາສາດ ທໍາມະຊາດ, ມະຫາວິທະຍາໄລແຫ່ງຊາດ, ນະຄອນຫຼວງວຽງຈັນ ໄດ້ມີການຈັດກອງປະຊຸມສຳມະນາກ່ຽວກັບການເຜີຍແຜ່ວຽກງານມາດຕະຖານ ເນື່ອງໃນໂອກາດສະເຫຼີມສະຫຼອງວັນມາດຕະຖານສາກົນ ປະຈຳປີ 2018, ພາຍໃຕ້ຫົວຂໍ້ “ຄວາມສຳຄັນຂອງວຽກງານມາດຕະຖານຕໍ່ກັບການພັດທະນາເສດຖະກິດ-ສັງຄົມ ໃນການເຊື່ອມໂຍງພາກພື້ນ ແລະ ສາກົນ ໃນ ຍຸກ ການປະຕິວັດອຸດສາຫະກຳ ຄັ້ງທີ 4” ກອງປະຊຸມສໍາມະນາຄັ້ງນີ້ໄດ້ ຈັດຂື້ນໂດຍ ກົມມາດຕະຖານ ແລະ ວັດແທກ, ກະຊວງວິທະຍາສາດ ແລະ ເຕັກໂນໂລຊີ ຮ່ວມກັບ ມະຫາວິທະຍາໄລແຫ່ງຊາດ, ຄະນະວິທະຍາສາດ ທຳມະຊາດ, ຊຶ່ງໄດ້ຮັບກຽດເປັນປະທານກ່າວເປີດກອງປະຊຸມໂດຍ ທ່ານ ບຸນຕີ ທະມິດ ຮອງລັດຖະມົນຕີ ກະຊວງ ວິທະຍາສາດ ແລະ ເຕັກໂນໂລຊີ, ໃນກອງປະຊຸມໄດ້ມີນັກສຳມະນາກອນ ຜູ້ຕາງໜ້າ ກົມມາດຕະຖານ ແລະ ວັດແທກ, ຄູອາຈານ ແລະ ນັກສຶກສາເຂົ້າຮ່ວມຈຳນວນ 100 ກ່ວາຄົນ.

          ດັ່ງທີ່ໄດ້ຮູ້ ກັນແລ້ວວ່າ ກະຊວງວິທະຍາສາາດ ແລະ ເຕັກໂນໂລຊີ, ກົມມາດຕະຖານ ແລະ ວັດແທກ ແມ່ນອົງການທີ່ເປັນຕົວແທນອົງການມາດຕະຖານແຫ່ງຊາດ ຂອງ ສປປ ລາວ ຊ່ື່ງໃນໄລຍະຜ່ານມາໄດ້ເອົາໃຈໃສ່ສົ່ງເສີມ ແລະ ພັດທະນາວຽກງານມາດຕະຖານ ໂດຍການໂຄສະນາເຜີຍແຜ່, ຊຸກຍູ້ສົ່ງເສີມສ້າງຈິດສຳນຶກ ເພື່ອໃຫ້ສັງຄົມໄດ້ຮັບຮູ້ ແລະ ການນຳໃຊ້ເຕັກໂນໂລຊີ ນະວັດຕະກຳທີ່ກ້າວໜ້າເຂົ້າໃນການຜະລິດ, ຜູ້ປະກອບການ ແລະ ນຳໃຊ້ໃນຊີວິດປະຈຳວັນ, ເພື່ອປົກປ້ອງ ສຸຂະພາບ, ສິ່ງແວດລ້ອມ, ອີກທັງຍັງເປັນການສົ່ງເສີມຜະລິດຕະພັນໃຫ້ມີຄວາມເທົ່າທຽມກັບພາກພື້ນ ແລະ ສາກົນ.

ຈຸດປະສົງ ຂອງການຈັດສຳມະນາຄັ້ງນີ້ກໍ່ເພື່ອເຜີຍແຜ່ການຈັດຕັ້ງປະຕິບັດວຽກງານມາດຕະຖານ ແລະ ວັດແທກ ໃຫ້ແກ່ບັນດາເອື້ອຍນ້ອງນັກສຶກສາ ເພື່ອສ້າງຄວາມຮັບຮູ້, ຄວາມສຳຄັນຕໍ່ການພັດທະນາເສດຖະກິດ-ສັງຄົມ, ໃນກອງປະຊຸມດັ່ງກ່າວນີ້ແມ່ນຈະໄດ້ຮັບຟັງການສະເໜີບົດຈາກບັນດາຊ່ຽວຊານ ທັງວຽກງານດ້ານມາດຕະຖານ, ຄຸນນະພາບ ແລະ ວັດແທກ, ນອກນັ້ນ ຍັງໄດ້ມີການສ້າງກິດຈະກຳຮ່ວມກັນໂດຍການ ຖາມ-ຕອບ ຄຳຖາມ ເພື່ອໃຫ້ອ້າຍນ້ອງນັກສຶກສາຂອງພວກເຮົາ ໄດ້ຮັບຮູ້ ແລະ ເຂົ້າໃຈຢ່າງເລີກເຊີ່ງ ກ່ຽວກັບວຽກງານດັ່ງກ່າວ, ຊື່ງໃນການຈັດສຳມະນາ ສ້າງກິດຈະກຳຄັ້ງນີ້ ເປັນຄັ້ງທຳອິດທີ່ກົມມາດຕະຖານ ແລະ ວັດແທກ ຈັດຂື້ນ ເພື່ອສະເຫຼີມສະຫຼອງໃນວັນດັ່ງກ່າວ ຊື່ງຄຳຂວັນວັນມາດຕະຖານສາກົນ ໃນປີນີ້ ແມ່ນ “ມາດຕະຖານສາກົນ ກັບ ການປະຕິວັດອຸດສາຫະກຳຄັ້ງທີ4” ເພື່ອສອດຄ່ອງກັບການເຊື່ອມໂຍງກັບ ພາກພື້ນ ແລະ ສາກົນ ໂດຍສະເພາະແມ່ນ ການປະຕິວັດອຸດສາຫະກຳ ໃນຍຸກປະຈຸບັນ.

ຮູບພາບ ແລະ ບົດຂ່າວ: ທ ພຸດທະຈັນ ຊັບທະວີ