ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ການເຄື່ອນໄຫວ
  • Register
ວັນພຸດ, 08 ພຶດສະພາ 2019 00:00

ລົງກວດ 2 ບໍລິສັດຜະລິດແປ້ງມັນຕົ້ນ ທີ່ແຂວງບໍລິຄຳໄຊ

ໃນລະຫ່ວາງວັນທີ 02-03 ພຶດສະພາ 2019 ສູນວັດແທກ ກົມມາດຕະຖານ ແລະ ວັດແທກ ກະຊວງວິທະຍາສາດ ແລະ ເຕັກໂນໂລຊີ ໄດ້ລົງກວດສອບປະລິມານສຸດທິບັນຈຸໃນສິນຄ້າຫຸ້ມຫໍ່ (ປະເພດ ແປ້ງມັນຕົ້ນ) ຂອງ ບໍລິສັດ ຄາສະວາ ດຣາກອນ ຈຳກັດ ຕັ້ງຢູ່ ບ້ານ ນາຊວງ ເມືອງວຽງທອງ ແຂວງ ບໍລິຄຳໄຊ ແລະ ບໍລິສັດ ລາວ ທີທີແອວ ພັດທະນາກະສິກຳ ແລະ ອຸດສາຫະກຳ ຈຳກັດ ຕັ້ງຢູ່ ບ້ານ ໂນນສົມບູນ ເມືອງບໍລິຄັນ ແຂວງ ບໍລິຄຳໄຊ ນໍາພາໂດຍ

ທ່ານ ນາງ ທັດສະພອນ ຄຳພູວັນ ຫົວໜ້າໜ່ວຍງານກວດສອບສິນຄ້າຫຸ້ມຫໍ່ ສູນວັດແທກ ພ້ອມດ້ວຍພະນັກງານວິຊາການພາຍໃນສູນ 02 ທ່ານ ແລະ ວິຊາການຈາກ ພະແນກວິທະຍາສາດເຕັກໂນໂລຊີແຂວງບໍລິຄຳໄຊເຂົ້າຮ່ວມ 01 ທ່ານ ເຊີ່ງໄດ້ທຳການກວດສອບ ດ້ວຍການຊັ່ງປະລິມານ ແປ້ງມັນຕົ້ນ 01 ຂະໜາດຄື: ຂະໜາດ 50 ກິໂລກຼາມ,  ເຫັນວ່າບໍລິມາດທີ່ບັນຈຸແມ່ນໄດ້ຕາມມາດຕະຖານທີ່ກຳນົດໄວ້.

ໃນການລົງກວດສອບຄັ້ງນີ້ກໍ່ເພື່ອປະຕິບັດຕາມ ລະບຽບການ, ຫຼັກການກວດສອບສິນຄ້າຫຸ້ມຫໍ່,  ແລະ ມາດຕະການກ່ຽວກັບການຄຸ້ມຄອງ, ກວດສອບຜະລິດຕະພັນ ແລະ ສິນຄ້າຫຸ້ມຫໍ່ທີ່ຜະລິດ, ນຳເຂົ້າ, ສົ່ງອອກ ແລະ ຈຳໜ່າຍຢູ່ ສປປ ລາວ ໃຫ້ຖືກຕ້ອງຕາມລະບຽບການທີ່ກຳນົດໃວ້ ຢູ່ ສປປ ລາວ ແລະ ສາກົນ ເພື່ອສ້າງເງື່ອນໄຂອັນສະດວກໃນການຊື້-ຂາຍ, ແນໃສ່ເຮັດໃຫ້ສັງຄົມມີຄວາມຍຸດຕິທຳ, ປອດໄພ ແລະ  ມີຄວາມເປັນເອກະພາບໃນການຈັດຕັ້ງປະຕິບັດ ໃນຂອບເຂດທົ່ວປະເທດ ແລະ ເຊື່ອມໂຍງກັບຫຼັກການກວດສອບຂອງພາກພື້ນ ແລະ ສາກົນ, ເພື່ອບໍ່ໃຫ້ເອົາປຽບລະຫວ່າງຜູ້ຊື້ ແລະ ຜູ້ຂາຍ ແລະ ລະຫວ່າງໂຮງງານກັບໂຮງງານ.

 

ຂຽນຂ່າວໂດຍ:  ນ. ຈັນສຸດາ ແກ້ວວົງກົດ