ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ການເຄື່ອນໄຫວ
  • Register
ວັນພຸດ, 10 ເມສາ 2019 00:00

ສູນວັດແທກ ສຳເລັດການລົງກວດປະລິມານບັນຈຸ ຊີມັງຂອງ ບໍລິສັດ ອຸດສາຫະກຳຊີມັງລາວ ຈຳກັດ

ໜ່ວຍງານກວດສອບສິນຄ້າຫຸ້ມຫໍ່ຂອງສູນວັດແທກ ກົມມາດຕະຖານ ແລະ ວັດແທກ ກະຊວງວິທະຍາສາດ ແລະ ເຕັກໂນໂລຊີ ໄດ້ທຳການລົງກວດສອບປະລິມານບັນຈຸໃນສິນຄ້າຫຸ້ມຫໍ່ (ປະເພດປູນຊີມັງ) ຂອງ ບໍລິສັດ ອຸດສາຫະກຳ ຊີມັງລາວ ຈຳກັດ ຕັ້ງຢູ່ ບ້ານເຫຼົ່າ-ນາຄຳ , ເມືອງມະຫາໄຊ, ແຂວງຄຳມ່ວນ ໃນລະຫ່ວາງວັນທີ 09 ເມສາ 2019 ນີ້.

ການລົງກວດສອບໃນຄັ້ງນີ້ນໍາພາໂດຍ ທ່ານ ນາງ ທັດສະພອນ ຄຳພູວັນ ຫົວໜ້າໜ່ວຍງານກວດສອບສິນຄ້າຫຸ້ມຫໍ່ ພ້ອມດ້ວຍພະນັກງານວິຊາການພາຍໃນສູນ 02 ທ່ານ ແລະ ວິຊາການຈາກ ພະແນກວິທະຍາສາດ ແລະ ເຕັກໂນໂລຊີ ແຂວງຄຳມ່ວນ 1 ທ່ານ

ເຊີ່ງໄດ້ທຳການກວດສອບສິນຄ້າຫຸ້ມຫໍ່ດ້ວຍການຊັ່ງປະລິມານ 03 ປະເພດ ຄື: ຊີມັງສີແດງ 425 ຂະໜາດ 50 ກິໂລກຼາມ,  ຊີມັງສີແດງ 525 ຂະໜາດ 50 ກິໂລກຼາມ,  ແລະ ຊີມັງປະສົມສີຂຽວ 50 ກິໂລກຼາມ ເຫັນວ່າບໍລິມາດທີ່ບັນຈຸແມ່ນໄດ້ຕາມມາດຕະຖານທີ່ກຳນົດໄວ້

ຈາກການສຳພາດ ທ່ານ ນາງ ທັດສະພອນ ຄຳພູວັນ ໄດ້ໃຫ້ຮູ້ວ່າ ໃນການລົງກວດສອບກໍ່ເພື່ອປະຕິບັດຕາມ ລະບຽບການ, ຫຼັກການກວດສອບສິນຄ້າຫູ້ມຫໍ່,  ແລະ ມາດຕະການກ່ຽວກັບການຄຸ້ມຄອງ, ກວດສອບຜະລິດຕະພັນ ແລະ ສິນຄ້າຫຸ້ມຫໍ່ທີ່ຜະລິດ, ນຳເຂົ້າ, ສົ່ງອອກ ແລະ ຈຳໜ່າຍຢູ່ ສປປ ລາວ ໃຫ້ຖືກຕ້ອງຕາມລະບຽບການທີ່ກຳນົດໃວ້ ຢູ່ ສປປ ລາວ ແລະ ສາກົນເພື່ອສ້າງເງື່ອນໄຂອັນສະດວກໃນການຊື້-ຂາຍ, ແນໃສ່ເຮັດໃຫ້ສັງຄົມມີຄວາມຍຸດຕິທຳ, ປອດໄພ ແລະ  ມີຄວາມເປັນເອກະພາບໃນການຈັດຕັ້ງປະຕິບັດ ໃນຂອບເຂດທົ່ວປະເທດ ແລະ ເຊື່ອມໂຍງກັບຫຼັກການກວດສອບຂອງພາກພື້ນ ແລະ ສາກົນ, ເພື່ອບໍ່ໃຫ້ເກີດມີການເອົາປຽບລະຫວ່າງຜູ້ຊື້ ແລະ ຜູ້ຂາຍ, ລະຫວ່າງໂຮງງານກັບໂຮງງານ.

 

ຂຽນຂ່າວໂດຍ:  ນ. ຈັນສຸດາ ແກ້ວວົງກົດ