ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ການເຄື່ອນໄຫວ
  • Register
ວັນອັງຄານ, 19 ກຸມພາ 2019 00:00

ສູນວັດແທກລົງກວດສອບບໍລິມາດບັນຈຸໃນສິນຄ້າຫຸ້ມຫໍ່ (ປະເພດເບຍ) ຂອງ ບໍລິສັດ ໄຮນິເກນລາວ ບີເວີລີ້ ຈຳກັດ

ເພື່ອເປັນການປະຕິບັດຕາມ ລະບຽບການ, ຫຼັກການກວດສອບສິນຄ້າຫຸ້ມຫໍ່  ແລະ ມາດຕະການກ່ຽວກັບການຄຸ້ມຄອງ, ກວດສອບຜະລິດຕະພັນສິນຄ້າຫຸ້ມຫໍ່ທີ່ຜະລິດ, ນຳເຂົ້າ, ສົ່ງອອກ ແລະ ຈຳໜ່າຍຢູ່ ສປປ ລາວ ໃຫ້ຖືກຕ້ອງຕາມລະບຽບການທີ່ກຳນົດໃວ້ຂອງ ສປປ ລາວ ແລະ ສາກົນ. ໃນວັນທີ 8 ກຸມພາ 2019 ທີ່ຜ່ານມານີ້ ທາງສູນວັດແທກ ທີ່ຂື້ນກັບ ກົມມາດຕະຖານ ແລະ ວັດແທກ ກະຊວງວິທະຍາສາດ ແລະ ເຕັກໂນໂລຊີ

ໄດ້ລົງກວດສອບສິນຄ້າຫຸ້ມຫໍ່ປະເພດເບຍຂອງ ບໍລິສັດ ໄຮນິເກນລາວ ບີເວີລີ້  ຈຳກັດ ຕັ້ງຢູ່ ບ້ານ ໜອງໂນ , ເມືອງໄຊທານີ, ແຂວງນະຄອນຫຼວງວຽງຈັນ ນຳພາໂດຍທ່ານກະດິງທອງ ສິງດາລາ ຫົວໜ້າສູນວັດແທກ, ກົມມາດຕະຖານ ແລະ ວັດແທກ ກະຊວງວິທະຍາສາດ ແລະ ເຕັກໂນໂລຊີ ພ້ອມດ້ວຍພະນັກງານວິຊາການພາຍໃນສູນ 02 ທ່ານ.

ເພື່ອແນໃສ່ສ້າງເງື່ອນໄຂອັນສະດວກໃນການຊື້-ຂາຍ, ເຮັດໃຫ້ສັງຄົມມີຄວາມຍຸດຕິທຳ, ປອດໄພ ແລະ  ມີຄວາມເປັນເອກະພາບໃນການຈັດຕັ້ງປະຕິບັດ ໃນຂອບເຂດທົ່ວປະເທດ ແລະ ເຊື່ອມໂຍງກັບຫຼັກການກວດສອບຂອງພາກພື້ນ ແລະ ສາກົນ, ເພື່ອບໍ່ໃຫ້ເອົາປຽບລະຫວ່າງຜູ້ຊື້ ແລະ ຜູ້ຂາຍ ແລະ ລະຫວ່າງໂຮງງານກັບໂຮງງານ ແນໃສ່ໃຫ້ການຊື້ຂາຍໃນສັງຄົມໃຫ້ມີຄວາມຍຸດຕິທຳ.

ໃນການຈັດຕັ້ງປະຕິບັດຄັ້ງນີ້ແມ່ນໄດ້ກວດສອບສິນຄ້າຫຸ້ມຫໍ່ດ້ວຍການຊັ່ງປະລິມານ 03 ຂະໜາດຄື: ຂະໜາດ 640 ມິນລີລິດ,  ຂະໜາດ 500 ມິນລີລິດ ແລະ 330 ມິນລີລິດ ເຫັນວ່າບໍລິມາດທີ່ບັນຈຸແມ່ນຢູ່ໃນເກນມາດຕະຖານທີ່ໄດ້ກຳນົດໄວ້. ທາງພະນັກງານວິຊາການຍັງໄດ້ມີການແນະນໍາໃຫ້ທາງບໍລິສັດປັບປຸງຕື່ມ ເປັນຕົ້ນໃຫ້ປັບຂະໜາດຂອງຕົວໜັງສື ທີີ່ສະແດງປະລິມານສຸດທິຢູ່ກວດແກ້ວ ແລະ ກະປ໋ອງເບຍ ໃຫ້ສອດຄ່ອງກັບລະບຽບການຂື້ນຕື່ມ.

 

 

ຮູບພາບ ແລະ ບົດຂ່າວ: ນ. ຈັນສຸດາ ແກ້ວວົງກົດ