ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ການເຄື່ອນໄຫວ
  • Register
ວັນອັງຄານ, 05 ກຸມພາ 2019 00:00

ລົງກວດສອບປະລິມານສຸດທິບັນຈຸໃນສິນຄ້າຫຸ້ມຫໍ່ (ປະເພດນ້ຳຕານ ແລະ ຊີມັງ)

ໃນວັນທີ 29-31 ມັງກອນ 2019 ສູນວັດແທກ, ກົມມາດຕະຖານ ແລະ ວັດແທກ ກະຊວງວິທະຍາສາດ ແລະ ເຕັກໂນໂລຊີ ໄດ້ລົງເຄື່ອນໄຫວກວດສອບປະລິມານສຸດທິບັນຈຸໃນສິນຄ້າຫຸ້ມຫໍ່ (ປະເພດນ້ຳຕານ ແລະ ຊີມັງ) ຂອງ ບໍລິສັດ ນ້ຳຕານມິດລາວ ຈຳກັດ ຕັ້ງຢູ່ ບ້ານແກ້ງແຮດ ເມືອງໄຊບູລີ ແຂວງສະຫວັນນະເຂດ, ບໍລິສັດ ຊີມັງລາວ ສະຫວັນນະເຂດ ຈຳກັດ ຕັ້ງຢູ່ ບ້ານສະພັງແກ້ວ ເມືອງອາດສະພັງທອງ ແຂວງສະຫວັນນະເຂດ ແລະ ບໍລິສັດ ລ້ານຊ້າງຊີມັງລາວ ຈຳກັດ ຕັ້ງຢູ່ບ້ານ ຄຸນເງິນ ເມືອງຄຸນຄຳ ແຂວງຄຳມ່ວນ ນໍາພາໂດຍ ທ່ານ ກະດິງທອງ ສິງດາລາ ຫົວໜ້າສູນວັດແທກ ພ້ອມດ້ວຍພະນັກງານວິຊາການພາຍໃນສູນ 03 ທ່ານ.

ເຊີ່ງໄດ້ທຳການກວດສອບສິນຄ້າຫຸ້ມຫໍ່ ດ້ວຍການຊັ່ງປະລິມານ ນ້ຳຕານ 02 ຂະໜາດຄື: ຂະໜາດ 500 ກຼາມ ແລະ 1 ກິໂລກຼາມ,  ຜະລິດຈະພັນຊີມັງສະຫວັນນະເຂດ 02 ຂະໜາດ ຄື: 50 ກິໂລ ແລະ 40 ກິໂລ ແລະ ຜະລິດຕະພັນລ້ານຊ້າງຊີມັງ 03 ຜະລິດຕະພັນ ຂະໜາດ 50 ກິໂລ ເຫັນວ່າບໍລິມາດທີ່ບັນຈຸແມ່ນໄດ້ຕາມມາດຕະຖານທີ່ກຳນົດໄວ້.

ທ່ານ ກະດິງທອງ ສິງດາລາ ໄດ້ໃຫ້ຮູ້ວ່າ ການລົງກວດສອບຄັ້ງນີ້ ແມ່ນເພື່ອປະຕິບັດຕາມ ລະບຽບການ, ຫຼັກການກວດສອບສິນຄ້າຫຸ້ມຫໍ່,  ແລະ ມາດຕະການກ່ຽວກັບການຄຸ້ມຄອງ, ກວດສອບຜະລິດຕະພັນ ແລະ ສິນຄ້າຫຸ້ມຫໍ່ທີ່ຜະລິດ, ນຳເຂົ້າ, ສົ່ງອອກ ແລະ ຈຳໜ່າຍຢູ່ ສປປ ລາວ ໃຫ້ຖືກຕ້ອງຕາມລະບຽບການທີ່ກຳນົດໃວ້ ຢູ່ ສປປ ລາວ ແລະ ສາກົນເພື່ອສ້າງເງື່ອນໄຂອັນສະດວກໃນການຊື້-ຂາຍ, ແນໃສ່ເຮັດໃຫ້ສັງຄົມມີຄວາມຍຸດຕິທຳ, ປອດໄພ ແລະ  ມີຄວາມເປັນເອກະພາບໃນການຈັດຕັ້ງປະຕິບັດ ໃນຂອບເຂດທົ່ວປະເທດ ແລະ ເຊື່ອມໂຍງກັບຫຼັກການກວດສອບຂອງພາກພື້ນ ແລະ ສາກົນ, ເພື່ອບໍ່ໃຫ້ເອົາປຽບລະຫວ່າງຜູ້ຊື້ ແລະ ຜູ້ຂາຍ ແລະ ລະຫວ່າງໂຮງງານກັບໂຮງງານ ແນໃສ່ໃຫ້ການຊື້ຂາຍໃນສັງຄົມໃຫ້ມີຄວາມຍຸດຕິທຳ ບໍ່ໃຫ້ເອົາລັດເອົາປຽບກັນ

ເພື່ອໃຫ້ວຽກງານກວດສອບໃນຄັ້ງຕໍ່ໄປ ດຳເນີນໄປຢ່າງເປັນລະບຽບ ແລະ ຖືກຕ້ອງສອດຄ່ອງກັບລະບຽບກົດໝາຍ ທາງພະນັກງານວິຊາການ ໄດ້ມີຄໍາແນະນໍາໃຫ້ທາງບໍລິສັດ ເອົາໃຈໃສ່ຕື່ມໃນເລື່ອງຂອງການກວດສອບຊິງຊັ່ງ ໃຫ້ສອດຄ່ອງກັບລະບຽບການຂື້ນຕື່ມ.

 

ຂຽນຂ່າວໂດຍ:  ນ. ຈັນສຸດາ ແກ້ວວົງກົດ