ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ການເຄື່ອນໄຫວ
  • Register
ວັນອັງຄານ, 05 ກຸມພາ 2019 00:00

ລົງກວດສອບຊີງຊັ່ງລົດບັນລົດບັນທຸກ ຂອງ ບໍລິສັດ ຊີມັງຫຼວງພະບາງຈຳກັດ

ໃນວັນທີ 28 - 31 ມັງກອນ 2019 ສູນວັດແທກ, ກົມມາດຕະຖານ ແລະ ວັດແທກ ກະຊວງວິທະຍາສາດ ແລະ ເຕັກໂນໂລຊີ ຮ່ວມກັບພະແນກວິທະຍາສາດເຕັກໂນໂລຊີແຂວງຫຼວງພະບາງ ໄດ້ລົງເຄື່ອນໄຫວກວດສອບຊີງຊັ່ງລົດບັນລົດບັນທຸກ ຂອງ ບໍລິສັດ ຊີມັງຫຼວງພະບາງຈຳກັດ ຕັ້ງຢູ່ ບ້ານ ໂພນມະນີ , ເມືອງນໍ້າບາກ, ແຂວງຫຼວງພະບາງ. ນໍາພາໂດຍ ທ່ານ ອານຸສອນ ສີຫາບັນຍາ ຮອງຫົວໜ້າສູນວັດແທກ ພ້ອມດ້ວຍພະນັກງານວິຊາການພາຍໃນສູນ 02 ທ່ານ ແລະ ຕາງໜ້າພະແນກວິທະຍາສາດ ແລະ ເຕັກໂນໂລຊີແຂວງຫຼວງພະບາງ 1 ທ່ານ.

ເຊີ່ງໄດ້ທຳການກວດສອບຊີງຊັ່ງລົດບັນລົດບັນທຸກດ້ວຍການຊັ່ງນ້ຳໜັກ (ຂະໝາດ 120T) ຈໍານວນ 01 ໜ່ວຍ  ເຫັນວ່ານໍ້າໜັກຂອງຊີຊັ່ງແມ່ນໄດ້ຕາມມາດຕະຖານທີ່ກຳນົດໄວ້.

ທ່ານ  ອານຸສອນ ສີຫາບັນຍາ ໄດ້ໃຫ້ຮູ້ວ່າ ການລົງກວດສອບຄັ້ງນີ້ ແມ່ນເພື່ອປະຕິບັດຕາມ ລະບຽບການ, ຫຼັກການກວດສອບຊີງຊັ່ງ,  ແລະ ມາດຕະການກ່ຽວກັບການຄຸ້ມຄອງ, ກວດສອບຊີງຊັ່ງແລະ ໃຫ້ຖືກຕ້ອງຕາມລະບຽບການທີ່ກຳນົດໃວ້ ຢູ່ ສປປ ລາວ ແລະ ສາກົນເພື່ອສ້າງເງື່ອນໄຂອັນສະດວກໃນການຊື້-ຂາຍ, ແນໃສ່ເຮັດໃຫ້ສັງຄົມມີຄວາມຍຸດຕິທຳ, ປອດໄພ ແລະ  ມີຄວາມເປັນເອກະພາບໃນການຈັດຕັ້ງປະຕິບັດ ໃນຂອບເຂດທົ່ວປະເທດ ແລະ ເຊື່ອມໂຍງກັບຫຼັກການກວດສອບຂອງພາກພື້ນ ແລະ ສາກົນ, ເພື່ອບໍ່ໃຫ້ເອົາປຽບລະຫວ່າງຜູ້ຊື້ ແລະ ຜູ້ຂາຍ ແລະ ລະຫວ່າງໂຮງງານກັບໂຮງງານ ແນໃສ່ໃຫ້ການຊື້ຂາຍໃນສັງຄົມໃຫ້ມີຄວາມຍຸດຕິທຳ ບໍ່ໃຫ້ເອົາລັດເອົາປຽບກັນ

ເພື່ອໃຫ້ວຽກງານກວດສອບໃນຄັ້ງຕໍ່ໄປ ດຳເນີນໄປຢ່າງເປັນລະບຽບ ແລະ ຖືກຕ້ອງສອດຄ່ອງກັບລະບຽບກົດໝາຍ  ທາງພະນັກງານວິຊາການ ໄດ້ມີຄໍາແນະນໍາໃຫ້ທາງບໍລິສັດ ເອົາໃຈໃສ່ຕື່ມໃນເລື່ອງຂອງການກວດສອບຊິງ  ໃຫ້ສອດຄ່ອງກັບລະບຽບການຂື້ນຕື່ມ.

 

ຂຽນຂ່າວໂດຍ:  ທ. ບຸນຍອຍ ກອງແກ້ວມະນີ້ວົງ