ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ການເຄື່ອນໄຫວ
  • Register
ວັນອັງຄານ, 29 ມັງກອນ 2019 00:00

ລົງກວດສອບບໍລິມາດບັນຈຸໃນສິນຄ້າຫຸ້ມຫໍ່ (ປະເພດຊັນໄລ) ຂອງ ບໍລິສັດ ສົມບູນການຄ້າ ຂາອອກ-ຂາເຂົ້າ ຈຳກັດ

ໃນວັນທີ 28 ມັງກອນ 2019 ສູນວັດແທກ ກົມມາດຕະຖານ ແລະ ວັດແທກ ກະຊວງວິທະຍາສາດ ແລະ ເຕັກໂນໂລຊີ ໄດ້ລົງເຄື່ອນໄຫວກວດສອບບໍລິມາດບັນຈຸໃນສິນຄ້າຫຸ້ມຫໍ່ (ປະເພດຊັນໄລ) ຂອງ ບໍລິສັດ ສົມບູນການຄ້າ ຂາອອກ-ຂາເຂົ້າ ຈຳກັດ ຕັ້ງຢູ່ ບ້ານ ໜອງດ້ວງໄຕ້ , ເມືອງສີໂຄດຕະບອງ, ແຂວງນະຄອນຫຼວງວຽງຈັນ. ນໍາພາໂດຍ ທ່ານ ກະດິງທອງ ສິງດາລາ ຫົວໜ້າສູນວັດແທກ ພ້ອມດ້ວຍພະນັກງານວິຊາການພາຍໃນສູນ 03 ທ່ານ.

ເຊີ່ງໄດ້ທຳການກວດສອບສິນຄ້າຫຸ້ມຫໍ່ດ້ວຍການຊັ່ງປະລິມານ 01 ຂະໜາດຄື: ຂະໜາດ 800 ມິນລີລິດ  ເຫັນວ່າບໍລິມາດທີ່ບັນຈຸແມ່ນໄດ້ຕາມມາດຕະຖານທີ່ກຳນົດໄວ້.

ທ່ານ ກະດິງທອງ ສິງດາລາ ໄດ້ໃຫ້ຮູ້ວ່າ ການລົງກວດສອບຄັ້ງນີ້ ແມ່ນເພື່ອປະຕິບັດຕາມ ລະບຽບການ, ຫຼັກການກວດສອບສິນຄ້າຫຸມຫໍ່,  ແລະ ມາດຕະການກ່ຽວກັບການຄຸ້ມຄອງ, ກວດສອບຜະລິດຕະພັນ ແລະ ສິນຄ້າຫຸ້ມຫໍ່ທີ່ຜະລິດ, ນຳເຂົ້າ, ສົ່ງອອກ ແລະ ຈຳໜ່າຍຢູ່ ສປປ ລາວ ໃຫ້ຖືກຕ້ອງຕາມລະບຽບການທີ່ກຳນົດໃວ້ ຢູ່ ສປປ ລາວ ແລະ ສາກົນເພື່ອສ້າງເງື່ອນໄຂອັນສະດວກໃນການຊື້-ຂາຍ, ແນໃສ່ເຮັດໃຫ້ສັງຄົມມີຄວາມຍຸດຕິທຳ, ປອດໄພ ແລະ  ມີຄວາມເປັນເອກະພາບໃນການຈັດຕັ້ງປະຕິບັດ ໃນຂອບເຂດທົ່ວປະເທດ ແລະ ເຊື່ອມໂຍງກັບຫຼັກການກວດສອບຂອງພາກພື້ນ ແລະ ສາກົນ, ເພື່ອບໍ່ໃຫ້ເອົາປຽບລະຫວ່າງຜູ້ຊື້ ແລະ ຜູ້ຂາຍ ແລະ ລະຫວ່າງໂຮງງານກັບໂຮງງານ ແນໃສ່ໃຫ້ການຊື້ຂາຍໃນສັງຄົມໃຫ້ມີຄວາມຍຸດຕິທຳ ບໍ່ໃຫ້ເອົາລັດເອົາປຽບກັນ

ເພື່ອໃຫ້ວຽກງານກວດສອບໃນຄັ້ງຕໍ່ໄປ ດຳເນີນໄປຢ່າງເປັນລະບຽບ ແລະ ຖືກຕ້ອງສອດຄ່ອງກັບລະບຽບກົດໝາຍ  ທາງພະນັກງານວິຊາການ ໄດ້ມີຄໍາແນະນໍາໃຫ້ທາງບໍລິສັດ ເອົາໃຈໃສ່ຕື່ມໃນເລື່ອງຂອງການກວດສອບຊິງ,  ແລະ ຂະໜາດນ້ຳໜັກຂອງຕຸກເປົ່າ ໃຫ້ສອດຄ່ອງກັບລະບຽບການຂື້ນຕື່ມ.

 

ຂຽນຂ່າວໂດຍ:  ນ. ຈັນສຸດາ ແກ້ວວົງກົດ