ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ການເຄື່ອນໄຫວ
  • Register
ວັນພຸດ, 09 ມັງກອນ 2019 00:00

ລົງເຄື່ອນໄຫວກວດສອບບໍລິມາດບັນຈຸໃນສິນຄ້າຫຸ້ມຫໍ່ (ປະເພດຫົວອາຫານໝູ, ເປັດ, ໄກ່) ຂອງ ບໍລິສັດ ຊີພີລາວ ຈຳກັດ

ໃນເວລາ 10:00 ຂອງວັນທີ 03/01/2019 ສູນວັດແທກ, ກົມມາດຕະຖານ ແລະ ວັດແທກ ກະຊວງວິທະຍາສາດ ແລະ ເຕັກໂນໂລຊີ ໄດ້ລົງເຄື່ອນໄຫວກວດສອບບໍລິມາດບັນຈຸໃນສິນຄ້າຫຸ້ມຫໍ່ (ປະເພດຫົວອາຫານໝູ, ເປັດ, ໄກ່) ຂອງ ບໍລິສັດ ຊີພີລາວ ຈຳກັດ ຕັ້ງຢູ່ ບ້ານພູຄຳ , ເມືອງໄຊທານີ, ແຂວງນະຄອນຫຼວງວຽງຈັນ ນຳພາໂດຍທ່ານ ອານຸສອນ ສີຫາປັນຍາ ຮອງຫົວໜ້າສູນວັດແທກ ພ້ອມດ້ວຍ ພະນັກງານວິຊາການພາຍໃນສູນ 03 ທ່ານ.

ເຊີ່ງໄດ້ທຳການກວດສອບສິນຄ້າຫຸ້ມຫໍ່ດ້ວຍການຊັ່ງປະລິມານ 7ຜະລິດຕະພັນ ຂະໜາດ 30 ກິໂລກຼາມ ເຫັນວ່າ ບໍລິມາດທີ່ບັນຈຸແມ່ນໄດ້ຕາມມາດຕະຖານທີ່ກຳນົດໄວ້

ທ່ານ ອານຸສອນ ສີຫາປັນຍາ ໄດ້ໃຫ້ຮູ້ວ່າ ການລົງກວດສອບຄັ້ງນີ້ ແມ່ນເພື່ອປະຕິບັດຕາມ ລະບຽບການ, ຫຼັກການກວດສອບສິນຄ້າຫູ້ມຫໍ່,  ແລະ ມາດຕະການກ່ຽວກັບການຄຸ້ມຄອງ, ກວດສອບຜະລິດຕະພັນ ແລະ ສິນຄ້າຫຸ້ມຫໍ່ທີ່ຜະລິດ, ນຳເຂົ້າ, ສົ່ງອອກ ແລະ ຈຳໜ່າຍຢູ່ ສປປ ລາວ ໃຫ້ຖືກຕ້ອງຕາມລະບຽບການທີ່ກຳນົດໃວ້ ຢູ່ ສປປ ລາວ ແລະ ສາກົນເພື່ອສ້າງເງື່ອນໄຂອັນສະດວກໃນການຊື້-ຂາຍ, ແນໃສ່ເຮັດໃຫ້ສັງຄົມມີຄວາມຍຸດຕິທຳ, ປອດໄພ ແລະ  ມີຄວາມເປັນເອກະພາບໃນການຈັດຕັ້ງປະຕິບັດ ໃນຂອບເຂດທົ່ວປະເທດ ແລະ ເຊື່ອມໂຍງກັບຫຼັກການກວດສອບຂອງພາກພື້ນ ແລະ ສາກົນ, ເພື່ອບໍ່ໃຫ້ເອົາປຽບກັນລະຫວ່າງຜູ້ຊື້ ແລະ ຜູ້ຂາຍ ແລະ ລະຫວ່າງໂຮງງານກັບໂຮງງານ ແນໃສ່ໃຫ້ການຊື້ຂາຍໃນສັງຄົມໃຫ້ມີຄວາມຍຸດຕິທຳ ບໍ່ໃຫ້ເອົາລັດເອົາປຽບກັນ

ເພື່ອໃຫ້ວຽກງານກວດສອບໃນຄັ້ງຕໍ່ໄປ ດຳເນີນໄປຢ່າງເປັນລະບຽບ ແລະ ຖືກຕ້ອງສອດຄ່ອງກັບລະບຽບກົດໝາຍ ສະນັ້ນ ທາງພະນັກງານວິຊາການ ໄດ້ມີຄຳແນະນຳໃຫ້ທາງບໍລິສັດເອົາໃຈໃສ່ຕື່ມໃນເລື່ອງຂອງການກວດສອບຊິງ,  ແລະ ຂະໜາດຂອງຕົວໜັງສືທີ່ລະບຸໄວ້ໃນເປົາຫົວອາຫານ ໃຫ້ສອດຄ່ອງກັບລະບຽບການຂື້ນຕື່ມ.

 

 

ຮູບພາບ ແລະ ບົດຂ່າວ: ນ ຈັນສຸດາ ແກ້ວວົງກົດ