ໜ້າຫຼັກ

ກ່ຽວກັບພວກເຮົາ

ຂ່າວ ແລະ ກິດຈະກຳ

ນິຕິກຳ

ສື່ ແລະ ສິ່ງພິມ

ຕິດຕໍ່ພວກເຮົາ

ຝຶກອົບຮົມ
  • Register
ວັນຈັນ, 28 ກັນຍາ 2015 00:00

ກອງປະຊຸມເຜີຍແຜ່ວຽກງານມາດຕະຖານ ແລະ ວັດແທກ

ກົມມາດຕະຖານ ແລະ ວັດແທກ, ກະຊວງວິທະ ຍາສາດ ແລະ ເຕັກໂນໂລຊີ (ກວຕ) ສົມທົບກັບບໍລິສັດ

ECME (Electrical Civil Mechanical Engineering Co.,Ltd.) ແລະ ບໍລິສັດ E&H ໄດ້ຈັດກອງ ປະຊຸມເຜີຍແຜ່ວຽກງານມາດຕະຖານ ແລະ ວັດແທກ ຂຶ້ນໃນວັນທີ 27 ກໍລະກົດ 2015 ທີ່ ວິທະຍາໄລການ ຊ່າງ ລາວ-ເຢຍລະມັນ ໂດຍການເປັນປະທານຂອງ ທ່ານ ບຸນປອນ ບົວແພງ, ຮັກສາການຫົວໜ້າກົມມາດ ຕະຖານ ແລະ ວັດແທກ ກວຕ, ໃຫ້ກຽດເຂົ້າຮ່ວມໂດຍອຳນວຍການບໍລິສັດ ECME ແລະ ບັນດາຜູ້ຕາງໜ້າ ຈາກບໍລິສັດ H&E ພິທີດັ່ງກ່າວ ຍັງມີບັນດາຜູ້ຕາງໜ້າຈາກກະຊວງ, ຂະແໜງການ ແລະ ພະນັກງານວິຊາການ ຈາກ ກວຕ ພ້ອມດ້ວຍແຂກຖືກເຊີນຈາກພາກສ່ວນລັດ ແລະ ເອກະຊົນ, ປ້ຳນ້ຳມັນ, ຜູ້ປະກອບການຈຳນວນ 30 ກວ່າຄົນ.

 

ຈຸດປະສົງຂອງການຈັດກອງປະຊຸມເຝິກອົບຮົມໃນຄັ້ງນີ້ ເພື່ອເຜີຍແຜ່ວຽກງານມາດຕະຖານ ແລະ ວັດແທກໃຫ້ແກ່ພາກສ່ວນຜູ້ປະກອບການທຸລະກິດຮັບຮູ້ວິທີການ ແລະ ຂັ້ນຕອນການຂຶ້ນທະບຽນອຸປະກອນ ແລະ ສິນຄ້າ ທີ່ກ່ຽວຂ້ອງກັບວຽກງານມາດຕະຖານ ແລະ ວັດແທກ, ຂັ້ນຕອນການຢັ້ງຢືນມາດຕະຖານຂອງ ຜະລິດຕະພັນສິນຄ້າຕ່າງໆ, ການໃຫ້ບໍລິການກວດສອບ ອຸປະກອນວັດແທກຕ່າງໆ ແລະ ກວດຄຸນນະພາບຂອງສິນຄ້າ, ໃຫ້ຮັບຮູ້ວິທີການເກັບຮັກສານ້ຳມັນ, ການຄ່ຽນຖ່າຍນ້ຳມັນ, ການວັດແທກອັດຕາການໄຫຼ ແລະ ການບໍລິຫານຈັດການສາງນ້ຳມັນ ເພື່ອຜັນຂະຫຍາຍຕາມກົດໝາຍວ່າດ້ວຍ ການວັດແທກ ແລະ ກຽມຄວາມພ້ອມເຂົ້າຮ່ວມການເຄື່ອນໄຫວປະຊາຄົມເສດຖະກິດ ອາຊຽນ ໃນປີ 2016 ທີ່ຈະມາເຖິງນີ້.

ໃນໂອກາດເປັນປະທານກ່າວເປີດກອງປະຊຸມໃນຄັ້ງນີ້, ທ່ານ ບຸນປອນ ບົວແພງ ຮັກສາການຫົວໜ້າກົມມາດຕະຖານ ແລະ ວັດແທກ ໄດ້ກ່າວບາງຕອນວ່າ: ການຈັດກອງປະຊຸມໃນຄັ້ງນີ້ເພື່ອເປັນການປົກປ້ອງຜູ້ຊົມໃຊ້, ສ້າງໃຫ້ມີຄວາມຖືກຕ້ອງ, ເປັນທຳ ລະຫວ່າງ ຜູ້ຄ້າ ແລະ ບໍລິໂພກ ກ້າວໄປເຖິງຫຼຸດຜ່ອນການເອົາລັດເອົາ ປຽບກັນ. ສະນັ້ນ, ຜູ້ເຂົ້າຮ່ວມໃນກອງປະຊຸມຈະໄດ້ຮຽນຮູ້ລະບຽບການ, ຂັ້ນຕອນກ່ຽວກັບການຄຸ້ມຄອງເຄື່ອງມືອຸປະກອນວັດແທກອັດຕາການໄຫຼຂອງທາດແຫຼວ ແລະ ຍັງເປັນໂອກາດໃຫ້ແກ່ຜູ້ເຂົ້າຮ່ວມກອງປະຊຸມໄດ້ສົນທະນາ ແລະ ປ່ຽນບົດຮຽນ, ຖາມ-ຕອບ ກັນ ເພື່ອແລກປ່ຽນຄວາມຮູ້ ແລະ ນຳເອົາຄວາມຮູ້ທີ່ໄດ້ໄປໃຊ້ ເຂົ້າໃນການປະຕິບັດວຽກງານຕົວຈິງໃຫ້ໄດ້ຮັບປະສິດທິພາບ. ກອງປະຊຸມຄັ້ງນີ້ແມ່ນໄດ້ດຳເນີນໄປເປັນເວລາ 1 ວັນຈຶ່ງໄດ້ປິດລົງ.

Latest from